കോൺഗ്രസിൽ മുഖ്യമന്ത്രി ചർച്ച പുരോഗമിക്കവേ കെ സി വേണുഗോപാലിനെതിരെ വിമര്ശനവുമായി ഓര്ത്തഡോക്സ് സഭ. ആലിപ്പഴം പഴുത്തപ്പോള് കാക്കയ്ക്ക് വായ്പ്പുണ്ണ് എന്ന സ്ഥിതിയിലാണ് ഇപ്പോഴത്തെ കാര്യങ്ങളെന്ന് വിമർശനം. എംപിമാര് മത്സരിക്കേണ്ട എന്നു തീരുമാനിച്ചിട്ട് മുഖ്യമന്ത്രിയുടെ സ്ഥാനത്തേക്ക് ഒരു എംപിയുടെ പേര് ഉയര്ന്നു വരുന്നത് വിരോധാഭാസമാണെന്ന് ഓർത്തഡോക്സ് സഭ ഭദ്രാസന മെത്രാപൊലീത്ത ഡോ. യൂഹാനോൻ മാർ ദിയസ്കോറസ് പ്രതികരിച്ചു.
എംപിമാർ മുഖ്യമന്ത്രി ആകുന്നതിൽ നിയമ തടസ്സം ഒന്നുമില്ല.എംപിമാര് ആരും നിയമസഭ തെരഞ്ഞെടുപ്പില് മത്സരിക്കേണ്ട എന്നായിരുന്നു പാര്ട്ടി തീരുമാനിച്ചത്. ഇപ്പോള് മുഖ്യമന്ത്രി സ്ഥാനത്തേക്ക് ഒരു എംപിയുടെ പേര് ഉയര്ന്നു വരുന്നത് എങ്ങനെയെന്നും അദ്ദേഹം ചോദിച്ചു. മുഖ്യമന്ത്രിസ്ഥാനത്തേക്ക് എന്തോ ചില ബഹളങ്ങളൊക്കെ നടക്കുന്നുണ്ട് എന്ന് മനസ്സിലായി. കോണ്ഗ്രസ് പാര്ട്ടി ഒരു നല്ല തീരുമാനം എടുക്കുമായിരിക്കും. പക്ഷെ ജനം ഇതിനെയൊക്കെ എങ്ങനെ കാണുമെന്ന് കുറച്ചു കഴിയുമ്പോഴേ നമുക്ക് മനസ്സിലാക്കാന് സാധിക്കുകയുള്ളൂവെന്നും വ്യക്തമാക്കി.