പ്രിയ നടൻ സലിംകുമാറിന്റെ വിയോഗത്തിന്റെ ആഘാതത്തിലാണ് കേരളമൊട്ടാകെ. അതിനിടയിൽ ചർച്ചയാവുകയാണ് രംഗബോധമില്ലാത്ത ഓൺലൈൻ മീഡിയകളുടെ കടന്നു കയറ്റം. ഇന്ന് കേരളത്തിൽ എന്തൊരു കാര്യം സംഭവിക്കുമ്പോഴും സാധാരണ മാധ്യമങ്ങളെ മാത്രമല്ല ഓൺലൈൻ മാധ്യമങ്ങളെ കൂടി പരിഗണിക്കേണ്ടതും പല ഘട്ടങ്ങളിലും സഹിക്കേണ്ടതുമായ അവസ്ഥയാണ്. എന്നാൽ പലപ്പോഴും സാഹചര്യം നോക്കാതെ ഇടപെടുന്ന ഒരു രീതിയാണ് പല ഓൺലൈൻ ചാനലുകളും ചെയ്യുന്നത്. അത്തരത്തിൽ സ്വന്തം അച്ഛൻ മരിച്ച വേദനയിൽ നിൽക്കുന്ന സമയത്ത് വിടാതെ പിന്തുടർന്ന ഓൺലൈൻ മാധ്യമങ്ങൾക്കെതിരെ കയർക്കുന്ന ചന്തു സലിംകുമാറിന്റെ ഒരു വീഡിയോ ആണ് ഇപ്പോൾ സോഷ്യൽ മീഡിയയിൽ വ്യാപകമായി പ്രചരിച്ചു കൊണ്ടിരിക്കുന്നത്.വീട്ടുവളപ്പിൽ സംസ്കാര ചടങ്ങുകൾ പുരോ​ഗമിക്കവെ ഓൺലൈൻ മീഡിയക്കാർ അടക്കമുള്ളവർ തിക്കും തിരക്കും കൂട്ടി. പൊലീസ് അടക്കമുള്ളവർ ഇവരെ നിയന്ത്രിക്കാൻ ശ്രമിക്കുന്നുണ്ട്. ഇതിനിടയിൽ ആണ് ചന്തു ദേഷ്യത്തോടെ സംസാരിച്ചത്. എല്ലാരോടും മാറിനിൽക്കാനും എന്താടോ നിങ്ങൾക്ക് വേണ്ടത് എന്ന് ഉച്ചത്തിൽ ചോദിക്കുന്നതും വീഡിയോയിൽ കാണാം. അതേസമയം ഇന്ന് വൈകിട്ട് മൂന്നുമണി സമയത്താണ് സലിംകുമാറിന്റെ സംസ്കാര ചടങ്ങുകൾ പൂർത്തിയായത്.