തമിഴ്നാട് നിയമസഭയിൽ നിന്ന് രാജിവച്ച എഐഎഡിഎംകെയിലെ മൂന്ന് എംഎൽഎമാർ തിങ്കളാഴ്ച മുഖ്യമന്ത്രി വിജയ് നയിക്കുന്ന ടിവികെയിൽ ചേർന്നു.മരഗതം കുമാരവേൽ, ജയകുമാർ, സത്യഭാമ എന്നീ എംഎൽഎമാർ തമിഴ്നാട് നിയമസഭാ സ്പീക്കർ ജെ.സി.ഡി. പ്രഭാകറിന് രാജി സമർപ്പിച്ചു. സ്പീക്കർ രാജി സ്വീകരിച്ചു.എഐഎഡിഎംകെയിലെ മുതിർന്ന നേതാവ് സിവി ഷൺമുഖത്തിന്റെ നേതൃത്വത്തിൽ 30 എംഎൽഎമാർ വിജയ് യുടെ ടിവികെ സർക്കാരിന് പിന്തുണ പ്രഖ്യാപിച്ച് രണ്ടാഴ്ച കഴിഞ്ഞപ്പോഴാണ് ഈ സംഭവം . എടപ്പാടി പളനിസ്വാമിയുടെ നേതൃത്വത്തിലുള്ള പാർട്ടിയിൽ നിന്ന് ഇപ്പോൾ രാജിവച്ച മൂന്ന് എംഎൽഎമാരും ഈ വിമത വിഭാഗത്തിന്റെ ഭാഗമായിരുന്നു.
കുമാരവേൽ മധുരാന്തകം മണ്ഡലത്തിൽ നിന്നും, സത്യഭാമ ധാരാപുരത്ത് നിന്നും, ജയകുമാർ പെരുന്തുറൈയിൽ നിന്നും എഐഎഡിഎംകെ ടിക്കറ്റിൽ വിജയിച്ചു . ധാരാപുരവും പെരുന്തുറൈയും പശ്ചിമ തമിഴ്നാട്ടിലെ കൊങ്കു മേഖലയിലെ എഐഎഡിഎംകെയുടെ പരമ്പരാഗത ശക്തികേന്ദ്രത്തിന്റെ ഭാഗമാണ്, അതേസമയം മധുരാന്തകം ചെന്നൈയ്ക്കടുത്താണ് സ്ഥിതി ചെയ്യുന്നത്.
രാജി സമർപ്പിച്ചതിന് തൊട്ടുപിന്നാലെ, എംഎൽഎമാർ ടി.വി.കെ മന്ത്രി ആധവ് അർജുനനെ അദ്ദേഹത്തിന്റെ ചേംബറിൽ കണ്ടു.മെയ് 13-ന് നടന്ന വിശ്വാസവോട്ടെടുപ്പിൽ പാർട്ടി വിപ്പ് അവഗണിച്ച് ടിവികെ സർക്കാരിനെ പിന്തുണച്ച് വോട്ട് ചെയ്ത് വിജയ് പക്ഷത്തേക്ക് മാറിയ 25 നിയമസഭാംഗങ്ങളിൽ ഈ മൂന്ന് എംഎൽഎമാരും ഉൾപ്പെടുന്നു .
എ.ഐ.എ.ഡി.എം.കെ വിമതരിൽ അഞ്ച് പേർ പാർട്ടി മേധാവി എടപ്പാടി പളനിസ്വാമിയിലേക്ക് തിരികെ പോയി. ഇതോടെ നിയമസഭയിൽ പളനിസ്വാമിയെ പിന്തുണയ്ക്കുന്ന എംഎൽഎമാരുടെ എണ്ണം 27 ആയി ഉയർന്നു. പളനിസ്വാമി ക്യാമ്പിലേക്ക് തിരിച്ചെത്തിയവരിൽ ആർക്കോട്ടിൽ നിന്നുള്ള എസ്.എം. സുകുമാറും ഉൾപ്പെടുന്നു.