D A I L Y  M A L A Y A L A M  N E W S

Archives
SUBSCRIBE
രാഹുൽ ഗാന്ധി പോസിറ്റീവ്! ബിജെപി മതത്തെ രാഷ്ട്രീയമായി ഉപയോ​ഗിക്കുന്നു; മുൻ പാക് താരം ഷാഹിദ് അഫ്രീദി
"നിങ്ങൾക്ക് ഒരു ഇസ്രായേൽ പോരേ, മറ്റൊരു ഇസ്രായേൽ ആകാൻ ശ്രമിക്കുകയാണോ?" എന്നും അഫ്രീദി ചോദിച്ചു

കോൺഗ്രസ് നേതാവ് രാഹുൽ ഗാന്ധിയെ പുകഴ്ത്തി മുൻ പാക്കിസ്ഥാൻ ക്രിക്കറ്റ് താരം ഷാഹിദ് അഫ്രീദി. രാഹുൽ ഗാന്ധിക്ക് വളരെ പോസിറ്റീവായ മനോഭാവമാണുള്ളതെന്നും സംഭാഷണങ്ങളിൽ അദ്ദേഹം വിശ്വസിക്കുന്നുണ്ടെന്നും അഫ്രീദി കൂട്ടിച്ചേർത്തു. പാകിസ്ഥാനിലെ സമാ ടിവിക്ക് നൽകിയ അഭിമുഖത്തിലായിരുന്നു പരാമർശം.

അതേസമയം ബിജെപി സർക്കാരിനെതിരെ രൂക്ഷവിമർശനമാണ് നടത്തിയത്. ബിജെപി സർക്കാർ രാഷ്ട്രീയ നേട്ടങ്ങൾക്കായി മതത്തെയും ഹിന്ദു-മുസ്ലിം വിഭജനത്തെയും ഉപയോഗിക്കുന്നുണ്ടെന്ന് അദ്ദേഹം ആരോപിച്ചു. ഇത് വളരെ മോശം മനോഭാവമാണെന്നും "നിങ്ങൾക്ക് ഒരു ഇസ്രായേൽ പോരേ, മറ്റൊരു ഇസ്രായേൽ ആകാൻ ശ്രമിക്കുകയാണോ?" എന്നും അഫ്രീദി ചോദിച്ചു.

ഇതിനിടെ, ദുബായിൽ നടന്ന ഏഷ്യാ കപ്പ് മത്സരത്തിൽ ഇന്ത്യ പാകിസ്ഥാനെ പരാജയപ്പെടുത്തിയിരുന്നു. കളിക്ക് ശേഷം പാകിസ്ഥാൻ താരങ്ങൾക്ക് ഷേക്ക് ഹാൻഡ് നൽകാതെ ഇന്ത്യൻ ക്യാപ്റ്റൻ ഡ്രസ്സിങ് റൂമിലേക്ക് മടങ്ങിയത് വിവാദമായിരുന്നു. ഈ സംഭവത്തിൽ മാച്ച് റഫറിയെ മാറ്റണമെന്ന പാക് ക്രിക്കറ്റ് ബോർഡിന്റെ ആവശ്യം അന്താരാഷ്ട്ര ക്രിക്കറ്റ് കൗൺസിൽ തള്ളിയിരുന്നു.

Leave a Reply

Your email address will not be published. Required fields are marked *