തിരുവനന്തപുരം: ആരോപണവിധേയനായ പാലക്കാട് എം.എൽ.എ. രാഹുൽ മാങ്കൂട്ടത്തിലിനെതിരെ പരിഹാസവുമായി എസ്.എൻ.ഡി.പി. യോഗം ജനറൽ സെക്രട്ടറി വെള്ളാപ്പള്ളി നടേശൻ. ഇത്തിരി ഇല്ലാതെ, ഒത്തിരി നാറില്ലെന്നും രാഷ്ട്രീയത്തിലും പൊതുപ്രവർത്തനത്തിലും വ്യക്തിശുദ്ധി അനിവാര്യമാണെന്നും വെള്ളാപ്പള്ളി നടേശൻ. ഒരു കൊമ്പനാനയെപ്പോലെ നിന്ന മാങ്കൂട്ടത്തിൽ ഇപ്പോൾ കാലൊടിഞ്ഞ് നിലത്ത് കിടക്കുന്ന അവസ്ഥയിലാണെന്നും വാർത്തകളിൽ നിന്ന് മനസ്സിലാക്കുന്നത് രാഹുലിന്റേത് ഒരു പൊയ്മുഖമാണെന്നും, അദ്ദേഹം സ്ത്രീലമ്പടനാണെന്നും വെള്ളാപ്പള്ളി ആരോപിച്ചു.

മാങ്കൂട്ടത്തിലിന്റെ പല ചെയ്തികളും ഇപ്പോൾ പുറത്തുവരുകയാണ്. ഇത് കോൺഗ്രസിന് ചേർന്ന പ്രവൃത്തിയല്ല. പൊതുപ്രവർത്തനത്തിൽ സ്വഭാവശുദ്ധി നിർബന്ധമാണ്. ജനപ്രീതി നേടാൻ ഇത് പ്രധാനപ്പെട്ട ഒരു ഘടകമാണ്. സ്വഭാവശുദ്ധിയില്ലാത്തവരെ ജനം വെറുക്കും എന്നതിന് മാങ്കൂട്ടത്തിലിന്റെ അവസ്ഥ ഉദാഹരണമാണെന്നും അദ്ദേഹം പറഞ്ഞു. ചെല്ലുന്നിടത്തിെല്ലാം കേറി മുട്ടയിട്ട് നടക്കുന്നയാളാണ് രാഹുൽ. രാഹുൽ സ്ത്രീ തല്പരനാണെന്നാണ് ചില വാർത്തകളിലൂടെ മനസ്സിലാക്കാൻ സാധിക്കുന്നതെന്നും വെള്ളാപ്പള്ളി.