തിരുവനന്തപുരത്ത് പത്ത് വയസ്സുകാരനായ ഭിന്നശേഷിക്കാരനായ വിദ്യാർത്ഥിയെ ലൈംഗികമായി പീഡിപ്പിച്ച കേസിൽ അധ്യാപകന് 161 വർഷം കഠിനതടവും 87,000 രൂപ പിഴയും വിധിച്ചു. പൗഡിക്കോണം സ്വദേശിയായ സന്തോഷ് കുമാറിനെയാണ് തിരുവനന്തപുരം ഫാസ്റ്റ് ട്രാക്ക് സ്പെഷ്യൽ കോടതി ശിക്ഷിച്ചത്. 2019-ൽ ചികിത്സയ്ക്കായി തിരുവനന്തപുരത്തെത്തിയ ഓട്ടിസം ബാധിച്ച കുട്ടിയെ സ്കൂളിലെ ശുചിമുറിയിൽ വെച്ച് ക്രൂരമായി പീഡിപ്പിക്കുകയും ഭീഷണിപ്പെടുത്തുകയും ചെയ്തെന്നാണ് കേസ്.

സംസാരിക്കാൻ പ്രയാസമുള്ള കുട്ടി തനിക്കുണ്ടായ ദുരനുഭവം ചിത്രങ്ങളിലൂടെയും എഴുത്തിലൂടെയും വ്യക്തമാക്കുകയായിരുന്നു. വിവിധ വകുപ്പുകളിലായി 161 വർഷം ശിക്ഷ വിധിച്ചെങ്കിലും, ശിക്ഷകൾ ഒരുമിച്ച് അനുഭവിച്ചാൽ മതിയെന്നതിനാൽ പ്രതി 20 വർഷം തടവ് അനുഭവിച്ചാൽ മതിയാകും.