ആര്യൻ ഖാൻ സംവിധാനം ചെയ്ത വെബ് സീരീസിനെ കുറിച്ച് തന്റെ അഭിപ്രായം പറഞ്ഞതിന്റെ പേരിൽ വിമർശനം നേരിടുകയാണ് കോൺഗ്രസ് നേതാവ് ശശി തരൂർ. ആര്യൻ ഖാന്റെ ബാഡ്സ് ഓഫ് ബോളിവുഡ് എന്ന വെബ് സീരീസിനെ കുറിച്ചാണ് ശരി തരൂര്‍ പുകഴ്‌ത്തിയത്. സിനിമ കണ്ടു തുടങ്ങിയാൽ കണ്ണ് എടുക്കാൻ പറ്റില്ല എന്നും സീരീസ് തന്നെ അത്ഭുതപ്പെടുത്തി. മൂർച്ചയേറിയ എഴുത്ത്. നിർഭയമായ സംവിധാനം. ഇത്തരത്തിൽ ഒരു ആക്ഷേപഹാസത്തിന്റെ ധൈര്യം ബോളിവുഡിൽ അത്യാവശ്യമായിരുന്നു എന്നൊക്കെയായിരുന്നു തരൂരിന്റെ അഭിപ്രായം. എന്നാൽ പണം വാങ്ങിയാണ് തരൂർ റിവ്യൂ എഴുതിയത് എന്നാണ് ഒരു വിഭാഗം ആരോപിക്കുന്നത്.
ഇപ്പോൾ അതിന് മറുപടിയുമായി എത്തിയിരിക്കുകയാണ് തരൂർ. പണം വാങ്ങി റിവ്യൂ എഴുതാൻ തന്നെ ഇവിടെ വില്പനയ്ക്ക് വച്ചിരിക്കുകയല്ല എന്നാണ് തരൂർ പറയുന്നത്. ചിത്രവുമായി ബന്ധപ്പെട്ട തരൂർ പങ്കുവെച്ച പോസ്റ്റിന് താഴെയാണ് ഒരു ഉപയോക്താവ് ഇത്തരത്തിൽ പെയ്ഡ് റിവ്യൂ ആണ് എന്ന കമന്റ് ഇട്ടത്. അതിനു മറുപടിയായാണ് ശശി തരൂർ ഈ പരാമർശം നടത്തിയത്. താൻ പ്രകടിപ്പിക്കുന്ന ഒരു അഭിപ്രായത്തിനും ആരും തനിക്ക് പണമായോ മറ്റെന്തെങ്കിലും രൂപത്തിലോ പ്രതിഫലം നൽകിയിട്ടില്ലെന്നും തന്നെ ഇവിടെ വിൽപ്പനയ്ക്കായി വച്ചതല്ല എന്നുമാണ് ശശി തരൂരിന്റെ മറുപടി. എക്സ്പോസ്റ്റിലായിരുന്നു ശശി തരൂരും ഒരു ഉപയോഗവും തമ്മിലുള്ള വാക്പോര്.