ചൈന്നൈ: കരൂർ അപകടത്തിൽ മരിച്ചവരുടെ കുടുംബങ്ങൾക്ക് വിജയിയുടെ പാർട്ടിയായ TVK പ്രഖ്യാപിച്ച ധനസഹായം കൈമാറി. ധനസഹായമായ 20 ലക്ഷം രൂപ അകൗണ്ടിൽ നൽകി. വിജയ് കരൂരിലെത്താത്തതിലടക്കം ഡിഎംകെ വിമർശനം ഉന്നയിച്ചതിന് പിന്നാലെയാണ് TVK ധനസഹായം കൈമാറിയത്. ഇതിനിടെ വിജയ്‌യെ ചോരപുരണ്ട RSS യൂണിഫോമിൽ അവതരിപ്പിച്ച് കാർട്ടൂൺ പങ്കുവെച്ച് DMK ഐടി വിഭാഗംരംഗത്തെത്തിയിരുന്നു.

ടിവികെയുടെ പതാകയുടെ നിറമുള്ള ഷോള്‍ കഴുത്തിൽ അണിഞ്ഞ് ആര്‍എസ്എസ് ഗണവേഷം ധരിച്ച് പുറം തിരിഞ്ഞു നിൽക്കുന്ന വിജയുടെ ഗ്രാഫിക്സ് ചിത്രമാണ് DMK പുറത്തുവിട്ടത്. കരൂര്‍ ഇരകളെ വിജയ് അപമാനിക്കുകയാണെന്നും പബ്ലിസിറ്റിക്ക് വേണ്ടി ആളെക്കൂട്ടി അപകടമുണ്ടാക്കിയെന്നും എക്സ് പോസ്റ്റിൽ ഡിഎംഎകെ വിമര്‍ശനം ഉന്നയിക്കുന്നത്. കരൂര്‍ ദുരന്തമുണ്ടായി 20 ദിവസം കഴിഞ്ഞിട്ടും വിജയ് കരൂരിൽ പോകാത്തത് തിരക്കഥ ലഭിക്കാത്തതുകൊണ്ടാണോയെന്നും DMK പരിഹസിച്ചു. കഴിഞ്ഞ സെപ്റ്റംബർ 27നായിരുന്നു ടിവികെയുടെ റാലിയിൽ പങ്കെടുക്കുന്നതിനായി എത്തിയ ആളുകൾ തിക്കിലും തിരക്കിലും പെട്ട് മരിച്ചത്. 41 പേരാണ് സംഭവത്തിൽ മരിച്ചത്.