D A I L Y  M A L A Y A L A M  N E W S

Archives
SUBSCRIBE
വിമർശനങ്ങളെ തോളിലേറ്റി നടക്കാറില്ല; വളരെ കുറച്ച് സ്വപ്നം കാണുന്ന ആളാണ് താനെന്ന് മോഹൻലാൽ
. 48 വർഷത്തെ സിനിമാ ജീവിതത്തിലെ ഏറ്റവും വലിയ പുരസ്കാരമാണ് ലഭിച്ചതെന്നും പ്രധാനമന്ത്രിയുടെ ഓഫീസിൽ നിന്ന് പുരസ്കാര വിവരം പറയാൻ വിളിച്ചപ്പോൾ ആദ്യം വിശ്വസിക്കാനായില്ലെന്നും മോഹൻലാൽ മോഹൻലാൽ മാധ്യമങ്ങളോട് പറ‍ഞ്ഞു

വിമർശനങ്ങളെ തോളിലേറ്റി നടക്കാറില്ലെന്ന് നടൻ മോഹൻലാൽ. വളരെ കുറച്ച് സ്വപ്നം കാണുന്ന ആളാണ് താനെന്നും സിനിമയ്ക്കു അപ്പുറത്തേക്കുള്ള സ്വപ്നം എന്തെന്ന് ചോദിച്ചാൽ ഇപ്പോൾ പറയാനാവില്ലെന്നും അദ്ദേ​ഹം പറഞ്ഞു. ഇന്ത്യൻ സിനിമയിലെ പരമോന്നത ബഹുമതിയായ ദാദാസാഹേബ് ഫാൽക്കെ പുരസ്‌കാരം ലഭിച്ച വേളയിലാണ് അദ്ദേഹത്തിന്റെ പ്രതികരണം. 48 വർഷത്തെ സിനിമാ ജീവിതത്തിലെ ഏറ്റവും വലിയ പുരസ്കാരമാണ് ലഭിച്ചതെന്നും പ്രധാനമന്ത്രിയുടെ ഓഫീസിൽ നിന്ന് പുരസ്കാര വിവരം പറയാൻ വിളിച്ചപ്പോൾ ആദ്യം വിശ്വസിക്കാനായില്ലെന്നും മോഹൻലാൽ മോഹൻലാൽ മാധ്യമങ്ങളോട് പറ‍ഞ്ഞു.

നല്ല സിനിമകൾ ചെയ്യണം. നല്ല ആളുകളുമായി സഹകരിക്കണം. ലഭിക്കുന്ന അവസരങ്ങളെ മികച്ചതാക്കുമെന്നും വ്യക്തമാക്കി. സിനിമ എന്നത് പാൻ-ഇന്ത്യൻ ആയി. സംവിധാനം ചെയ്യണം എന്ന തോന്നൽ വന്നാൽ ഇനിയും ചെയ്‌തേക്കും. നല്ല സിനിമകൾ ഉണ്ടാകട്ടെയെന്നും മോഹൻലാൽ കൂട്ടിച്ചേർത്തു. ദൃശ്യം 3 ചിത്രീകരണം നാളെ തുടങ്ങുമെന്നും അദ്ദേഹം അറിയിച്ചു.

2023-ലെ ദാദാസാഹേബ് ഫാൽക്കെ പുരസ്കാരമാണ് മോഹൻലാലിന് ലഭിച്ചത്. വാർത്താവിതരണ പ്രക്ഷേപണ മന്ത്രാലയം തങ്ങളുടെ എക്സ് പേജിൽ, മോഹൻലാലിന്റെ ചലച്ചിത്ര യാത്ര തലമുറകൾക്ക് പ്രചോദനമാണെന്ന് കുറിച്ചു. ഇന്ത്യൻ സിനിമയ്ക്ക് നൽകിയ സമഗ്ര സംഭാവനകൾ പരിഗണിച്ച്, ഇതിഹാസ നടനും സംവിധായകനും നിർമ്മാതാവുമായ മോഹൻലാലിനെ ആദരിക്കുന്നതായും അവർ വ്യക്തമാക്കി. 71-ാമത് ദേശീയ ചലച്ചിത്ര അവാർഡ് ദാന ചടങ്ങിൽ, സെപ്റ്റംബർ 23-ന് പുരസ്കാരം സമ്മാനിക്കും.

Leave a Reply

Your email address will not be published. Required fields are marked *