കോഴിക്കോട്: കൊയിലാണ്ടിയിൽ സമൂഹമാധ്യമം വഴി പരിചയപ്പെട്ട പതിമൂന്നുകാരിയെ ലൈംഗികമായി പീഡിപ്പിച്ച കേസിൽ കർണാടക സ്വദേശിയായ മുഹമ്മദ് സഹീർ യൂസഫ് അറസ്റ്റിൽ. കോഴിക്കോട് കൊയിലാണ്ടി പോലീസാണ് ഇയാളെ പിടികൂടിയത്.
സ്നാപ്ചാറ്റ് എന്ന ആപ്ലിക്കേഷനിലൂടെ പെൺകുട്ടിയുമായി സൗഹൃദം സ്ഥാപിച്ച ശേഷം പ്രണയം നടിച്ച് പീഡിപ്പിക്കുകയായിരുന്നുവെന്ന് പോലീസ് അറിയിച്ചു. സൈബർ സെല്ലിന്റെ സഹായത്തോടെയും സിസിടിവി ദൃശ്യങ്ങൾ പരിശോധിച്ചുമാണ് പോലീസ് പ്രതിയിലേക്ക് എത്തിയത്.
വടകര ഡിവൈഎസ്പി ഹരിപ്രസാദിന്റെ നേതൃത്വത്തിൽ കൊയിലാണ്ടി സിഐ ശ്രീലാൽ, എസ്ഐ ബിജു, എഎസ്ഐ വിജു, ശോഭ, സിവിൽ പോലീസ് ഓഫീസർമാരായ നിഖിൽ, പ്രവീൺ കുമാർ, ഗംഗേഷ് എന്നിവരടങ്ങിയ സംഘമാണ് പ്രതിയെ അറസ്റ്റ് ചെയ്തത്. കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.