മലയാളി പ്രേക്ഷകരെ സംബന്ധിച്ച് ശ്വേത മോനോൻ (Shweta Menon) മികച്ച നടി എന്നതിലുപരി ഒരു കാലത്തിന്റെ ഓർമ്മപ്പെടുത്തൽ കൂടിയാണ് പല കാലഘട്ടങ്ങളിലായി നിരവധി മികച്ച കഥാപാത്രങ്ങൾ സമ്മാനിച്ച താരം. ജോമോൻ സംവിധാനം ചെയ്ത അനശ്വരം എന്ന ചിത്രത്തിലൂടെയാണ് ശ്വേത സിനിമയിലേക്ക് വരുന്നത്. നായികയായി എത്തുന്ന ആദ്യ സിനിമയിലൂടെ തന്നെ ശ്രദ്ധ നേടുകയെന്നത് എല്ലാവർക്കും ലഭിക്കുന്ന ഭാ​ഗ്യമല്ല.

എന്നാൽ ശ്വേതയുടെ 'അനശ്വരം എന്ന ചിത്രവും അതിലെ ​ഗാനങ്ങളും മാറി വന്ന ഓരോ തലമുറയുടേയും പ്രിയപ്പെട്ടതാണ്. നിരവധി സിനിമകളിൽ അഭിനയിച്ച ശ്വേത ഇപ്പോൾ മലയാള സിനിമയുടെ താര സംഘടനയുടെ തലപ്പത്ത് ഇരിക്കുകയാണ്. അമ്മ സംഘടനയുടെ പ്രസിഡന്റ് സ്ഥാനം വഹിക്കുന്ന ആദ്യ വനിത കൂടിയാണ് ശ്വേത ഇപ്പോഴിതാ സംഘടനയെക്കുറിച്ചും പ്രസി‍ന്റായിരുന്നു മോഹൻലാലിനെക്കുറിച്ചും താരം പറഞ്ഞ കാര്യങ്ങളാണ് ശ്രദ്ധയാകുന്നത്.

മലയാള സിനിമാ അഭിനേതാക്കളുടെ സംഘടനയായ 'അമ്മ'യ്ക്ക് ഒരു പ്രതിച്ഛായ മാറ്റം അനിവാര്യമാണെന്ന് പ്രസിഡൻ്റ് ശ്വേതാ മേനോൻ. മലയാള സിനിമയിൽ ഒരു പുതിയ യുഗം ആരംഭിക്കുമ്പോൾ, താനും സഹപ്രവർത്തകരും പഠിച്ച ചില കാര്യങ്ങൾ മറക്കാനും പുതിയ മാറ്റങ്ങൾ കൊണ്ടുവരാനും സമയമായെന്ന് താരം അഭിപ്രായപ്പെട്ടു. 'ദി ഹോളിവുഡ് റിപ്പോർട്ടറി'ന് നൽകിയ അഭിമുഖത്തിലാണ് ശ്വേതാ മേനോൻ ഇക്കാര്യത്തെക്കുറിച്ച് പ്രതികരിച്ചത്.

'അമ്മ'യിൽ ഒരു പുതിയ തരംഗം കൊണ്ടുവരാൻ താൻ ആഗ്രഹിക്കുന്നുവെന്ന് ശ്വേതാ മേനോൻ പറഞ്ഞു. മോഹൻലാൽ, മമ്മൂട്ടി, ഇന്നസെന്റ് തുടങ്ങിയവർ സംഘടനയുടെ തലപ്പത്തുണ്ടായിരുന്നപ്പോൾ താൻ അതിൻ്റെ ഭാഗമായി പ്രവർത്തിച്ചിട്ടുണ്ട്. അവരിൽ നിന്ന് നമ്മൾ ഒരുപാട് കാര്യങ്ങൾ പഠിച്ചു. എന്നാൽ, പഠിച്ച ചില കാര്യങ്ങൾ മറന്ന്, ചില മാറ്റങ്ങൾ വരുത്തി സംഘടനയെ മുന്നോട്ട് കൊണ്ടുപോകാൻ ശ്രമിക്കേണ്ട സമയമാണിതെന്ന് താൻ കരുതുന്നു. 'അമ്മ' തകർന്നുപോകാതെ നോക്കേണ്ടത് തൻ്റെ ഉത്തരവാദിത്തമാണെന്നും അവർ കൂട്ടിച്ചേർത്തു.

ഹേമ കമ്മിറ്റി റിപ്പോർട്ടിൻ്റെ കണ്ടെത്തലുകളെ തുടർന്ന് മോഹൻലാൽ പ്രസിഡൻ്റ് സ്ഥാനം രാജിവെച്ചതിനെക്കുറിച്ചും ശ്വേതാ മേനോൻ സംസാരിച്ചു. ഒറ്റപ്പെട്ടുവെന്ന് തോന്നിയതുകൊണ്ടാകാം അദ്ദേഹം സ്ഥാനമൊഴിഞ്ഞതെന്ന് അവർ സൂചിപ്പിച്ചു.അത് എല്ലാവർക്കും ഞെട്ടലുണ്ടാക്കിയ സമയമായിരുന്നു. ലാലേട്ടൻ (മോഹൻലാൽ) സ്ഥാനമൊഴിഞ്ഞപ്പോൾ അത് തന്നിൽ കൂടുതൽ ഞെട്ടലുണ്ടാക്കി. അത് അദ്ദേഹത്തെ സംബന്ധിച്ച് ഒരു വലിയ തീരുമാനമായിരുന്നിരിക്കണം. പ്രത്യക്ഷത്തിലല്ലെങ്കിലും അദ്ദേഹം ഒറ്റപ്പെട്ടുപോയതായി തനിക്ക് ഉറപ്പുണ്ട്. അദ്ദേഹം എളുപ്പത്തിൽ തോൽവി സമ്മതിക്കുന്ന ആളല്ല. ആ സമയത്ത് താൻ എക്സിക്യൂട്ടീവ് കമ്മിറ്റിയിൽ ഇല്ലായിരുന്നെങ്കിലും, അങ്ങനെ സ്ഥാനമൊഴിയുന്നത് അദ്ദേഹത്തിൻ്റെ സ്വഭാവത്തിന് ചേർന്നതായി തോന്നിയില്ല. അദ്ദേഹത്തിൻ്റെ നേതൃത്വത്തിൽ താൻ ആറ് വർഷം പ്രവർത്തിച്ചിട്ടുണ്ട്. ശ്വേതാ മേനോൻ പറഞ്ഞു.

(Summary: Shweta Menon spoke about Mohanlal's resignation as president from AMMA. She says that he may have stepped down because he felt isolated.)