വാഷിംഗ്ടൺ : യൂറോപ്യൻ സഖ്യകക്ഷികളെ സഹായിക്കുന്നതിന് ലഭ്യമായ സൈനിക സംഭാവനകൾ ഗണ്യമായി കുറയ്ക്കാൻ യുഎസ് ഉദ്ദേശിക്കുന്നതായി റിപ്പോർട്ട്.യുദ്ധവിമാനങ്ങൾ, യുദ്ധക്കപ്പലുകൾ, ആകാശത്ത് ഇന്ധനം നിറയ്ക്കുന്ന വിമാനങ്ങൾ എന്നിവയുൾപ്പെടെ ഉള്ള സൈനിക സഹായങ്ങൾ കുറയ്ക്കുവാനാണ് നീക്കം.നാറ്റോ സഖ്യം അഭൂതപൂർവമായ സമ്മർദ്ദത്തിലാണ്, ചില യൂറോപ്യൻ രാജ്യങ്ങൾ വാഷിംഗ്ടൺ പൂർണ്ണമായും പിന്മാറിയേക്കുമെന്ന് ആശങ്കാകുലരാണ്.
യൂറോപ്യൻ സഖ്യകക്ഷികൾ അവരുടെ സൈന്യത്തിന് വേണ്ടത്ര പണം ചെലവഴിക്കാത്തതിന് യുഎസ് പ്രസിഡന്റ് ഡൊണാൾഡ് ട്രംപ് അവരെ രൂക്ഷമായി വിമർശിക്കുകയും ജർമ്മനിയിൽ നിന്ന് ആയിരക്കണക്കിന് സൈനികരെ പിൻവലിക്കുമെന്ന് വ്യക്തമാക്കുകയും ചെയ്തു. ഇറാനുമായുള്ള യുദ്ധത്തിനിടയിൽ ഹോർമുസ് കടലിടുക്ക് വീണ്ടും കപ്പലുകൾക്കായി തുറക്കുന്നതിൽ യൂറോപ്യൻ സഖ്യകക്ഷികളുടെ പിന്തുണയില്ലായ്മയെ ട്രംപ് രൂക്ഷമായി വിമർശിച്ചു. കൂടാതെ അമേരിക്ക നാറ്റോ സഖ്യത്തിൽ നിന്ന് പിന്മാറുന്നതിനെക്കുറിച്ച് ആലോചിക്കുന്നുണ്ടെന്നും സൂചന.