തിരുവനന്തപുരം: കെ.പി.സിസി ജംബോ ഭാരവാഹി പട്ടിക ഇന്നലെ പ്രഖ്യാപിച്ചു. സന്ദീപ് വാര്യർ അടക്കം 58 ജനറൽ സെക്രട്ടറിമാരും 3 വൈസ് പ്രസിഡന്റുമാരുമാണ് പുതിയ പട്ടികയിൽ ഇടം നേടിയത്. രാഷ്ട്രീയകാര്യ സമിതിയിൽ 6 പേരെ കൂടി ഉൾപ്പെടുത്തിക്കൊണ്ടാണ് എഐസിസി നേതൃത്വം പട്ടിക പ്രസിദ്ധീകരിച്ചത്. 13 വൈസ് പ്രസിഡന്‍റുമാരെയും 58 ജനറൽ സെക്രട്ടറിമാരെയും ഉൾപ്പെടുത്തിയതാണ് ജംബോ പട്ടിക. രാഷ്ട്രീയകാര്യ സമിതിയിൽ ആറ് അംഗങ്ങളെ കൂടി ഉള്‍പ്പെടുത്തി.രാജമോഹൻ ഉണ്ണിത്താൻ, വി കെ ശ്രീകണ്ഠൻ, ഡീൻ കുര്യാക്കോസ്, പന്തളം സുധാകരൻ, സിപി മുഹമ്മദ്, എ കെ മണി എന്നിവരും രാഷ്ട്രീയകാര്യ സമിതിയിൽ ഉണ്ട്. ഇതിനിടെ കെപിസിസി ജനറൽ സെക്രട്ടറിയായി തിരഞ്ഞെടുക്കപ്പെട്ട കോൺഗ്രസ് നേതാവ് സന്ദീപ് വാര്യർ നേതൃത്വത്തിന് നന്ദി അറിയിച്ചു. ഫേസ്ബുക്ക് കുറിപ്പിലൂയോടെയാണ് സന്ദീപ് വാര്യർ നന്ദി അറിയിച്ചത്.

കെപിസിസി ജനറൽ സെക്രട്ടറിയായി നിയോഗിച്ച കോൺഗ്രസ് നേതൃത്വത്തിന് നന്ദി. കൂടപ്പിറപ്പായി സ്നേഹിക്കുന്ന ലക്ഷോപലക്ഷം കോൺഗ്രസ് പ്രവർത്തകർക്കും നന്ദി എന്നും സന്ദീപ് വാര്യർ ഫേസ്ബുക്കിൽ കുറിച്ചു. ജനറൽ സെക്രട്ടറിയായിരുന്ന എം. ലിജുവിനെ കെപിസിസി വൈസ് പ്രസിഡന്റാക്കി. തിരുവനന്തപുരം ഡിസിസി അധ്യക്ഷ സ്ഥാനം രാജിവെച്ച പാലോട് രവിയും കെപിസിസി വൈസ് പ്രസിഡന്റാകും. ടി. ശരത്ചന്ദ്ര പ്രസാദ്, ഹൈബി ഈഡൻ, പാലോട് രവി, വി.ടി. ബൽറാം, വി.പി. സജീന്ദ്രൻ, മാത്യു കുഴൽനാടൻ, ഡി. സുഗതൻ, രമ്യ ഹരിദാസ്, എം. ലിജു, എ.എ. ഷുക്കൂർ, എം. വിൻസന്റ്, റോയ് കെ. പൗലോസ്, ജെയ്സൺ ജോസഫ് എന്നിവരാണ് പുതിയ വൈസ് പ്രസിഡന്റുമാർ.