കോഴിക്കോട്: ഷാഫി പറമ്പിൽ എംപിക്കെതിരെ ഇ.പി. ജയരാജൻ. ഷാഫിക്ക് അഹങ്കാരവും ധിക്കാരവും അഹംഭാവുമാണ്, അതു കോൺഗ്രസ് ഓഫീസിൽ പോയി പറഞ്ഞാൽ മതിയെന്നും മൂക്കിന്റെ പാലമേ ഇപ്പോൾ പോയിട്ടുള്ളുവെന്നും ജയരാജൻ. സൂക്ഷിച്ച് നടന്നാൽ മതി. മെക്കിട്ടു കേറാൻ നോക്കിയാൽ ഇനിയും അനുഭവിക്കുമെന്നും അദ്ദേഹം പറഞ്ഞു. പേരാമ്പ്ര സംഘർഷത്തിൽ സിപിഎം സംഘടിപ്പിച്ച വിശദീകരണ യോഗത്തിൽ സംസാരിക്കുമ്പോഴാണ് ഇപി ജയരാജന്റെ പരാമർശം.
പേരാമ്പ്രയിൽ പോലീസ് ശക്തമായ ഇടപെടലല്ല നടത്തിയത്. സാമാധാനപരമായ നിലപാടാണ് പോലീസ് സ്വീകരിച്ചതെന്നും അദ്ദേഹം പറഞ്ഞു. പോലീസിന് നേരെ ബോംബെറിഞ്ഞു, എന്നിട്ടും പോലീസ് സമാധാനപരമായ നിലപാട് സ്വീകരിച്ചു. ലാത്തി കൊണ്ട് ഏതു പൊലീസുകാരനാണ് ഷാഫിയെ തല്ലിയതെന്നും ഇ.പി ചോദിച്ചു. എഐസിസി ജനറൽ സെക്രട്ടറി കെ.സി. വേണുഗോപാലിനെതിരേയും ഇ.പി. ജയരാജൻ ആഞ്ഞടിച്ചു.ചെറിയ നിലവാരമെങ്കിലും പുലർത്തണമെന്നാണ് കെ.സി. വേണുഗോപാലിനോട് ഇ.പി.