D A I L Y  M A L A Y A L A M  N E W S

Archives
SUBSCRIBE
മുങ്ങിയോ? രാഹുൽ മാങ്കൂട്ടത്തിലിന്റെ പാലക്കാട്ടെ ഓഫിസ് പൂട്ടിയ നിലയിൽ: യുവതിയുടെ മൊഴിയെടുക്കുന്നു

പാലക്കാട്: അതിജീവിത മുഖ്യമന്ത്രിയുടെ ഓഫിസിലെത്തി നേരിട്ട് പരാതി നൽകിയതിനു പിന്നാലെ രാഹുൽ മാങ്കൂട്ടത്തിൽ എംഎൽഎയെ കാണാനില്ല. "സത്യം ജയിക്കും" എന്ന ഫെയ്‌സ്ബുക്ക് പോസ്റ്റിനു ശേഷം രാഹുൽ തൻ്റെ ഫോൺ സ്വിച്ച് ഓഫാക്കി. പാലക്കാട്ടെ എംഎൽഎ ഓഫിസ് ഇപ്പോൾ പൂട്ടിയ നിലയിലാണ്. തിരഞ്ഞെടുപ്പിനോടനുബന്ധിച്ച് സജീവമായിരുന്ന ഓഫിസിൽ ജീവനക്കാർ ഉൾപ്പെടെ ആരും ഇപ്പോഴില്ല. ഡിവൈഎഫ്ഐ എംഎൽഎ ഓഫിസിലേക്ക് മാർച്ച് നടത്തി.

ഇന്ന് തിരഞ്ഞെടുപ്പ് പ്രചാരണത്തിൻ്റെ ഭാഗമായി കണ്ണാടി പഞ്ചായത്തിൽ ഉണ്ടായിരുന്ന രാഹുൽ വൈകിട്ടോടെ പ്രചാരണത്തിൽനിന്ന് പിന്മാറി. നിലവിൽ രാഹുൽ എവിടെയാണെന്ന വിവരങ്ങളൊന്നും ലഭ്യമല്ല. കേസിൽ അറസ്റ്റ് അടക്കമുള്ള നടപടികളിലേക്ക് പോലീസ് കടക്കുമെന്ന സൂചനകളും പുറത്തുവരുന്നുണ്ട്. രാഹുൽ മാങ്കൂട്ടത്തിൽ മുൻകൂർ ജാമ്യത്തിനു ശ്രമിക്കുന്നതായും അഭിഭാഷകനുമായി കൂടിക്കാഴ്ച നടത്തിയതായുമുള്ള വിവരങ്ങളും പുറത്തുവരുന്നു. രാഹുൽ എംഎൽഎ സ്ഥാനം രാജിവയ്ക്കണമെന്ന് ആവശ്യപ്പെട്ട് സിപിഎമ്മും ബിജെപിയും ശക്തമായി രംഗത്തെത്തിയിട്ടുണ്ട്.

Leave a Reply

Your email address will not be published. Required fields are marked *