D A I L Y  M A L A Y A L A M  N E W S

Archives
SUBSCRIBE
‘കേരളത്തിൽ മുസ്ലിങ്ങളും ക്രിസ്ത്യാനികളും തമ്മിലടിക്കുന്ന രാഷ്ട്രീയം തുടങ്ങിവച്ചത് മുഖ്യമന്ത്രി’; രമേശ് ചെന്നിത്തല

മുസ്ലിങ്ങളും ക്രിസ്ത്യാനികളും തമ്മിൽ അകലുന്ന രാഷ്ട്രീയം കേരളത്തിൽ തുടങ്ങിവച്ചത് മുഖ്യമന്ത്രി പിണറായി വിജയനാണെന്ന് കോൺഗ്രസ് നേതാവ് രമേശ് ചെന്നിത്തല. രാഷ്ട്രീയ അധികാരം നേടുന്നതിനുവേണ്ടി മുഖ്യമന്ത്രിയും സിപിഐഎമ്മുമാണ് വർഗീയ ധ്രുവീകരണം നടത്താൻ ശ്രമിച്ചതെന്ന് അദ്ദേഹം ആരോപിച്ചു. ട്വന്റിഫോർ എഡിറ്റർ ഇൻ ചാർജ് പി.പി. ജെയിംസിന്റെ ഫയറിങ് ലൈൻ അഭിമുഖ പരിപാടിയിലാണ് രമേശ് ചെന്നിത്തലയുടെ ഈ പ്രതികരണം.

വരുന്ന നിയമസഭാ തിരഞ്ഞെടുപ്പിൽ ആരെയും മുഖ്യമന്ത്രി സ്ഥാനാർത്ഥിയായി ഉയർത്തിക്കാണിക്കില്ലെന്ന് ഹൈക്കമാൻഡ് പറഞ്ഞതായി രമേശ് ചെന്നിത്തല വ്യക്തമാക്കി. കോൺഗ്രസ് നേതൃത്വത്തിൽ സർക്കാർ ഉണ്ടാകരുതെന്ന് പിണറായി വിജയനേക്കാൾ കൂടുതൽ ആഗ്രഹിക്കുന്നത് നരേന്ദ്ര മോദിയാണ്. കേരളത്തിൽ സിപിഐഎം-ബിജെപി അന്തർധാര വളരെ വ്യക്തമാണെന്നും അദ്ദേഹം അഭിപ്രായപ്പെട്ടു. എൻ.എസ്.എസിൻ്റെ രാഷ്ട്രീയ ലൈൻ മാറിയിട്ടില്ലെന്നും എൻ.എസ്.എസുമായി തങ്ങൾക്ക് നല്ല ബന്ധമാണ് ഉള്ളതെന്നും ചെന്നിത്തല കൂട്ടിച്ചേർത്തു. ഇത്തവണ ന്യൂനപക്ഷത്തിൻ്റെ വോട്ട് കിട്ടില്ലെന്ന് മനസ്സിലാക്കിയ സിപിഐഎം, ഭൂരിപക്ഷത്തെ തങ്ങളിലേക്ക് അടുപ്പിക്കാൻ ശ്രമിക്കുകയാണെന്നും അദ്ദേഹം പറഞ്ഞു.

Leave a Reply

Your email address will not be published. Required fields are marked *