D A I L Y  M A L A Y A L A M  N E W S

Archives
SUBSCRIBE
ഗുരുവായൂരിൽ സ്കൂട്ടറിൽ കറങ്ങി നടന്ന് സ്ത്രീകൾക്ക് നേരെ ലൈംഗികാതിക്രമം നടത്തിയ പ്രതി പിടിയിൽ
രാത്രികാലങ്ങളിൽ ഒറ്റയ്ക്ക് നടന്നുപോകുന്ന സ്ത്രീകളെയും വിദ്യാർഥിനികളെയും ലക്ഷ്യമിട്ടാണ് ഇയാൾ അതിക്രമം നടത്തിയിരുന്നത്.

ഗുരുവായൂർ മേഖലയിൽ സ്കൂട്ടറിൽ കറങ്ങിനടന്ന് സ്ത്രീകൾക്ക് നേരെ ലൈംഗികാതിക്രമം നടത്തിവന്ന പ്രതി പിടിയിൽ. കണ്ടാണശ്ശേരി ചൊവ്വല്ലൂർ പടി സ്വദേശിയും ഓട്ടോറിക്ഷാ ഡ്രൈവറുമായ കിഴക്കേകളം വീട്ടിൽ അബ്ദുൽ വഹാബിനെയാണ് ഗുരുവായൂർ പോലീസ് അറസ്റ്റ് ചെയ്തത്. രാത്രികാലങ്ങളിൽ ഒറ്റയ്ക്ക് നടന്നുപോകുന്ന സ്ത്രീകളെയും വിദ്യാർഥിനികളെയും ലക്ഷ്യമിട്ടാണ് ഇയാൾ അതിക്രമം നടത്തിയിരുന്നത്. ഹെൽമറ്റ് ധരിച്ച് സ്കൂട്ടറിൽ കറങ്ങിനടന്ന ശേഷം അതിക്രമം നടത്തിയ ഉടൻ വേഗത്തിൽ രക്ഷപ്പെടുന്നതാണ് പ്രതിയുടെ രീതിയെന്ന് പോലീസ് അറിയിച്ചു.

നിരവധി പരാതികൾ ലഭിച്ചതിനെ തുടർന്ന് അമ്പതോളം സിസിടിവി ക്യാമറകൾ പരിശോധിക്കുകയും, പരാതി ലഭിച്ച സ്ഥലങ്ങളിൽ പോലീസ് വേഷം മാറിയെത്തി നിരീക്ഷണം നടത്തുകയും ചെയ്തതിലൂടെയാണ് പ്രതിയെ പിടികൂടാനായത്. അറസ്റ്റ് രേഖപ്പെടുത്തിയ പ്രതിയെ വൈദ്യപരിശോധനയ്ക്ക് ശേഷം കോടതിയിൽ ഹാജരാക്കും.

Leave a Reply

Your email address will not be published. Required fields are marked *