D A I L Y  M A L A Y A L A M  N E W S

Archives
SUBSCRIBE
കോൺഗ്രസ് യോഗത്തിൽ പങ്കെടുത്ത് രാഹുൽ മാങ്കൂട്ടത്തിൽ; പുറത്താക്കുന്നത് വരെ തുടരുമെന്ന് രാഹുൽ
പാർട്ടി നേതാക്കൾക്കൊപ്പം ഇരിക്കലും കൂടിയാലോചനകളും, രാഷ്ട്രീയം ചർച്ച ചെയ്യലും തൻ്റെ ഭാഗത്ത് നിന്ന് ഉണ്ടാകാറുണ്ടെന്നും അദ്ദേഹം വ്യക്തമാക്കി.

ലൈംഗിക ആരോപണത്തെ തുടർന്ന് സസ്പെൻഷനിൽ കഴിയുന്ന യൂത്ത് കോൺഗ്രസ് സംസ്ഥാന വൈസ് പ്രസിഡന്റ് രാഹുൽ മാങ്കൂട്ടത്തിൽ എം.എൽ.എ. പാലക്കാട് കണ്ണാടിയിലെ കാഴ്ചപറമ്പ് ക്ഷീരോൽപാദക സഹകരണ സംഘത്തിൽ നടന്ന പരിപാടിയിൽ കോൺഗ്രസ് നേതാക്കൾക്കൊപ്പം പങ്കെടുത്തു. കണ്ണാടി മണ്ഡലം പ്രസിഡൻ്റ് പ്രസാദ് കണ്ണാടി, മണ്ഡലം നേതാക്കളായ ശെൽവൻ, വിനേഷ്, കരുണാകരൻ തുടങ്ങിയവരും രാഹുലിനൊപ്പം ഉണ്ടായിരുന്നു.

എന്നാൽ താൻ പങ്കെടുത്തത് ഔദ്യോഗിക യോഗത്തിലല്ലെന്ന് രാഹുൽ മാങ്കൂട്ടത്തിൽ വിശദീകരിച്ചു. പാർട്ടി നേതാക്കൾക്കൊപ്പം ഇരിക്കലും കൂടിയാലോചനകളും, രാഷ്ട്രീയം ചർച്ച ചെയ്യലും തൻ്റെ ഭാഗത്ത് നിന്ന് ഉണ്ടാകാറുണ്ടെന്നും അദ്ദേഹം വ്യക്തമാക്കി. സസ്പെൻഷനിലാണെങ്കിലും ചുമതലകളില്ലെങ്കിലും വരാനിരിക്കുന്ന തിരഞ്ഞെടുപ്പുകളിൽ യുഡിഎഫ് സ്ഥാനാർഥികൾക്കായി പ്രവർത്തിക്കും. തന്നെ പുറത്താക്കുന്നത് വരെ കോൺഗ്രസ് ഔദ്യോഗിക ഓഫീസുകളിലും കയറുമെന്നും രാഹുൽ മാങ്കൂട്ടത്തിൽ കൂട്ടിച്ചേർത്തു.

Leave a Reply

Your email address will not be published. Required fields are marked *