D A I L Y  M A L A Y A L A M  N E W S

Archives
SUBSCRIBE
വിദ്യാര്‍ത്ഥിനിയോട് ലൈംഗികാതിക്രമം; സ്കൂള്‍ വാൻ ഡ്രൈവര്‍ പിടിയിൽ
ചാക്ക സ്വദേശിയായ വേലപ്പൻ ആണ് പോക്സോ കേസിൽ പിടിയിലായത്. കുട്ടികളെ സ്കൂളിൽ എത്തിക്കുന്ന വാൻ ഓടിച്ചിരുന്നത് ഇയാളാണ്.

തിരുവനന്തപുരം: സ്കൂൾ വിദ്യാർത്ഥിനിയോട് ലൈംഗികാതിക്രമം നടത്തിയ സ്കൂൾ വാൻ ഡ്രൈവർ അറസ്റ്റിലായി. ചാക്ക സ്വദേശിയായ വേലപ്പൻ ആണ് പോക്സോ കേസിൽ പിടിയിലായത്. കുട്ടികളെ സ്കൂളിൽ എത്തിക്കുന്ന വാൻ ഓടിച്ചിരുന്നത് ഇയാളാണ്. വിദ്യാർത്ഥിനി പതിവായി ഇയാൾ ഓടിച്ചിരുന്ന സ്കൂൾ വാനിലാണ് യാത്ര ചെയ്തിരുന്നത്. ഈ യാത്രയ്ക്കിടെയാണ് ഇയാൾ കുട്ടിയോട് ലൈംഗികാതിക്രമം നടത്തിയത്.

പതിവായി ഇയാളിൽ നിന്ന് മോശം അനുഭവം നേരിട്ടതിനെ തുടർന്ന് പെൺകുട്ടി അധ്യാപികയോട് വിവരം അറിയിക്കുകയായിരുന്നു. കുട്ടിയുടെ മാതാപിതാക്കൾ നൽകിയ പരാതിയുടെ അടിസ്ഥാനത്തിൽ പോലീസ് കേസെടുക്കുകയും തുടർന്ന് പ്രതിയെ പിടികൂടുകയുമായിരുന്നു. അറസ്റ്റ് രേഖപ്പെടുത്തിയ ശേഷം പ്രതിയെ കോടതിയിൽ ഹാജരാക്കി റിമാൻഡ് ചെയ്തു. പോക്സോ വകുപ്പ് പ്രകാരമാണ് ഇയാൾക്കെതിരെ കേസെടുത്തിരിക്കുന്നത്.

Leave a Reply

Your email address will not be published. Required fields are marked *