മലപ്പുറം: മുഖ്യമന്ത്രി പിണറായി വിജയനെതിരെ മുസ്ലിം ലീഗ് സംസ്ഥാന ജനറൽ സെക്രട്ടറി പി.എം.എ. സലാം നടത്തിയ വിവാദ പരാമർശം. 'പി.എം. ശ്രീ' പദ്ധതിയുടെ ധാരണാപത്രത്തിൽ ഒപ്പിട്ട മുഖ്യമന്ത്രി "ആണും പെണ്ണും കെട്ടവനാണെ"ന്നാണ് സലാം വിമർശിച്ചത്. വാഴക്കാട് പഞ്ചായത്ത് മുസ്ലിം ലീഗ് സമ്മേളനത്തിൽ പ്രസംഗിക്കവേയാണ് അദ്ദേഹത്തിന്റെ ഈ പരാമർശം. ഒന്നുകിൽ മുഖ്യമന്ത്രി ആണോ അല്ലെങ്കിൽ പെണ്ണോ ആകണം, രണ്ടുമല്ലാത്ത മുഖ്യമന്ത്രിയെ ലഭിച്ചതാണ് നമ്മുടെ അപമാനമെന്നും സലാം പറഞ്ഞു. ഹൈന്ദവ തത്വങ്ങളും വികലമായ വീക്ഷണങ്ങളും പഠിപ്പിക്കുന്ന വിദ്യാഭ്യാസം കൊണ്ടുവരുന്നതിന് വേണ്ടിയാണ് ഇപ്പോൾ സംസ്ഥാനം ഒപ്പിട്ടിരിക്കുന്നത്.

ഒരു പുരുഷൻ എങ്ങനെ ഇതിനെ എതിർക്കണമെന്ന് തമിഴ്നാട് മുഖ്യമന്ത്രി എം.കെ. സ്റ്റാലിൻ പഠിപ്പിച്ചു തന്നിട്ടുണ്ട്. കോടികൾ നൽകിയാലും ഈ വർഗീയ വിഷം പശ്ചിമബംഗാളിലേക്ക് കൊണ്ടുവരില്ലെന്ന് മമതാ ബാനർജിയും വ്യക്തമാക്കിയതാണ്. എന്നാൽ കേരളത്തിലെ മുഖ്യമന്ത്രി ആണും പെണ്ണും കെട്ടവൻ ആയതുകൊണ്ടാണ് അതിൽ പോയി ഒപ്പിട്ടതെന്നും, ഇങ്ങനെ രണ്ടുംകെട്ട മുഖ്യമന്ത്രിയെ കിട്ടിയതാണ് നമ്മൾ ഇപ്പോൾ അനുഭവിക്കുന്നതെന്നും പി.എം.എ. സലാം പ്രസംഗത്തിൽ പറഞ്ഞു.