തിരുവനന്തപുരം: പിഎം ശ്രീ പദ്ധതിയിൽ പരസ്പരം വെല്ലുവിളിയുമായി വിദ്യാഭ്യാസ മന്ത്രി വി ശിവൻകുട്ടിയും ബിജെപി മുൻ സംസ്ഥാന അധ്യക്ഷൻ കെ സുരേന്ദ്രനും. ദേശീയ വിദ്യാഭ്യാസ നയത്തിലേക്കുള്ള ചവിട്ടുപടിയാണ് പിഎം ശ്രീ ധാരണപത്രമെന്നും കരിക്കുലത്തിൽ ഇടപെടൽ ഉണ്ടാകുമെന്നും കെ സുരേന്ദ്രൻ ഫേസ്ബുക്കിൽ കുറിച്ചു. പാഠ്യപദ്ധതിയിൽ ആർ.എസ്.എസ്. നേതാക്കളെ ഉൾപ്പെടുത്തുമെന്നത് വ്യാജ പ്രചാരണമാണെന്ന വിദ്യാഭ്യസ മന്ത്രി വി. ശിവൻകുട്ടിയുടെ പ്രസ്താവനയ്ക്ക് മറുപടിയായാണ് കെ. സുരേന്ദ്രൻ ഫേസ്ബുക്കിൽ പോസ്റ്റിട്ടത്. പി.എം. ശ്രീ ധാരണാപത്രം ദേശീയ വിദ്യാഭ്യാസ നയത്തിലേക്കുള്ള ചവിട്ടുപടിയാണെന്നും കരിക്കുലത്തിൽ ഇടപെടലുണ്ടാകുമെന്നും സുരേന്ദ്രൻ.

ഇവിടെയും നടപ്പാവും, കരിക്കുലത്തിലും ഇടപെടൽ ഉണ്ടാകും. കാത്തിരുന്നു കാണാമെന്നാണ് വെല്ലുവിളി. അതേസമയം പി എം ശ്രീ പദ്ധതി കേരളത്തിന് ആവശ്യം ഇല്ലെന്ന് വിദ്യാഭ്യാസമന്ത്രി. ധാരണപത്രം കേരളത്തിന് ഏത് നിമിഷവും റദ്ദാക്കാമെന്നും കേരളത്തിലെ വിദ്യാഭ്യാസ നയം ആർഎസ്എസിനു മുന്നിൽ അടിയറവ് വെക്കില്ലെന്നും അത് കെ സുരേന്ദ്രന്റെ സ്വപ്നം ആണെന്നും വി ശിവൻകുട്ടി. കേരളത്തിന് പി എം ശ്രീ പദ്ധതിയുടെ ആവശ്യമില്ല. എസ് എസ് കെയുടെ ഫണ്ട് മതിയെന്നും കേരളത്തിൽ 1 മുതൽ 10 വരെയുള്ള പാഠപുസ്തകങ്ങൾ ഇതിനോടകം തന്നെ പ്രിന്റ് ചെയ്തു കഴിഞ്ഞുവെന്നും മന്ത്രി വി ശിവൻകുട്ടി.