കൊച്ചി: രാഷ്ട്രപതി ദ്രൗപതി മുർമു നാളെ കൊച്ചി സന്ദർശിക്കും. രാവിലെ 11 മണിയോടെയാണ് കൊച്ചിയിലേക്ക് തിരിക്കുക. രാവിലെ 11:35ന് കൊച്ചിയിൽ എത്തുന്ന രാഷ്ട്രപതിക്ക് നാവികസേനാ വിമാനത്താവളത്തിൽ സ്വീകരണം നൽകും. 12 മണിക്ക് എറണാകുളം സെന്റ് തെരേസസ് കോളേജിൽ എത്തും. കോളേജിലെ ശതാബ്ദി ആഘോഷത്തിൽ പങ്കെടുത്തതിനു ശേഷം രാഷ്ട്രപതി വൈകിട്ടോടെ ഡൽഹിയിലേക്ക് മടങ്ങും. രാഷ്ട്രപതി ദ്രൗപതി മുർമു കൊച്ചിയിൽ എത്തുന്ന പശ്ചാത്തലത്തിൽ നഗരത്തിൽ നാളെ ​ഗതാ​ഗത നിയന്ത്രണം. 10 മണി മുതൽ ഉച്ചയ്ക്ക് രണ്ടു മണി വരെയാണ് നിയന്ത്രണം.നേവൽബേസ് – തേവര- എംജി റോഡ്- ജോസ് ജംഗ്ഷൻ – BTH -പാർക്ക് അവന്യൂ റോഡ്- മേനക – ഷൺമുഖം റോഡ്- എന്നീ ഭാഗങ്ങളിലാണ് ​ഗതാ​ഗത നിയന്ത്രണം ഉള്ളത്.

ബുധനാഴ്ചയായിരുന്നു രാഷ്ട്രപതി ശബരിമലയിൽ ദർശനം നടത്തിയത്. അയ്യപ്പക്ഷേത്രത്തിൽ നിന്നും കെട്ട് നിറച്ചതിനു ശേഷം പതിനെട്ടാംപടി ചവിട്ടിയാണ് രാഷ്ട്രപതി അയ്യനെ തെഴുതത് ശേഷം ഇന്നലെ രാത്രി കേരള ഗവർണർ രാജേന്ദ്ര അർലേക്കർ നൽകിയ വിരുന്നിലും രാഷ്ട്രപതി പങ്കെടുത്തിരുന്നു. ഇന്ന് ശിവഗിരിയും കോട്ടയവും സന്ദർശിച്ചു. മുൻ രാഷ്ട്രപതി കെ ആർ നാരായണന്റെ പ്രതിമ രാജ്ഭവനിൽ ഇന്ന് രാവിലെ 10.30ന് രാഷ്ട്രപതി അനാച്ഛാദനംചെയ്തു.