D A I L Y  M A L A Y A L A M  N E W S

Archives
SUBSCRIBE
ഞെട്ടിക്കാൻ മമ്മൂട്ടിയും വിനായകനും എത്തുന്നു! കളങ്കാവൽ റിലീസ് തീയ്യതി പ്രഖ്യാപിച്ചു
ക്രൈം ഡ്രാമ വിഭാഗത്തിൽ ഒരുക്കിയിട്ടുള്ള 'കളങ്കാവലി'ന്റെ ടീസറിന് പ്രേക്ഷകരിൽ നിന്ന് മികച്ച പ്രതികരണമാണ് ലഭിച്ചത്. സോഷ്യൽ മീഡിയയിൽ ഈ ടീസർ തരംഗമായിരുന്നു. മമ്മൂട്ടി കമ്പനിയാണ് ചിത്രം നിർമ്മിക്കുന്നത്.

കാത്തിരിപ്പിന് വിരാമം. മമ്മൂട്ടി-വിനായകൻ കൂട്ടുകെട്ടിൽ ഒരുങ്ങുന്ന 'കളങ്കാവൽ' ചിത്രത്തിൻ്റെ റിലീസ് തീയതി പ്രഖ്യാപിച്ചു. നവംബർ 27-ന് ചിത്രം തീയറ്ററുകളിൽ എത്തും. റിലീസ് വിവരം പങ്കുവെച്ചുകൊണ്ടുള്ള പോസ്റ്റർ മമ്മൂട്ടി പുറത്തുവിട്ടു. പോസ്റ്ററിൽ വ്യത്യസ്ത ഭാവങ്ങളിലുള്ള വിനായകനെയും മമ്മൂട്ടിയെയും കാണാം. കഴിഞ്ഞ ദിവസമാണ് ചിത്രത്തിൻ്റെ സെൻസറിംഗ് പൂർത്തിയായത്. 'കളങ്കാവലി'ന് യുഎ16+ സർട്ടിഫിക്കറ്റ് ആണ് ലഭിച്ചിട്ടുള്ളത്.

ക്രൈം ഡ്രാമ വിഭാഗത്തിൽ ഒരുക്കിയിട്ടുള്ള 'കളങ്കാവലി'ന്റെ ടീസറിന് പ്രേക്ഷകരിൽ നിന്ന് മികച്ച പ്രതികരണമാണ് ലഭിച്ചത്. സോഷ്യൽ മീഡിയയിൽ ഈ ടീസർ തരംഗമായിരുന്നു. മമ്മൂട്ടി കമ്പനിയാണ് ചിത്രം നിർമ്മിക്കുന്നത്. കേരളത്തിൽ വേഫറർ ഫിലിംസാണ് വിതരണം ഏറ്റെടുത്തിരിക്കുന്നത്. 'കളങ്കാവലി'ന്റെ തിരക്കഥ രചിച്ചത് ജിഷ്ണു ശ്രീകുമാറും ജിതിൻ കെ. ജോസും ചേർന്നാണ്. ദുൽഖർ സൽമാൻ നായകനായ സൂപ്പർഹിറ്റ് ചിത്രം 'കുറുപ്പി'ന്റെ കഥ ഒരുക്കിയ ജിതിൻ കെ. ജോസ് സംവിധാനം ചെയ്യുന്ന ആദ്യ ചിത്രം എന്ന പ്രത്യേകതയും 'കളങ്കാവലി'നുണ്ട്. മമ്മൂട്ടി കമ്പനിയുടെ ബാനറിൽ നിർമ്മിക്കപ്പെടുന്ന ഏഴാമത്തെ ചിത്രമാണിത്.

Leave a Reply

Your email address will not be published. Required fields are marked *