D A I L Y  M A L A Y A L A M  N E W S

Archives
SUBSCRIBE
ബെംഗളൂരുവിൽ 30കാരി കൂട്ട ബലാത്സംഗത്തിന് ഇരയായി; കൊടും ക്രൂരതയ്ക്ക് കാവലൊരുക്കിയവർ പിടിയിൽ
റിപ്പോർട്ടുകൾ പ്രകാരം മൂന്നു പ്രതികൾ യുവതിയെ ബലാത്സംഗം ചെയ്യുകയും രണ്ടു പേർ വീടിന് കാവൽ നിൽക്കുകയും ചെയ്യുകയുമായിരുന്നു.

ബെംഗളൂരു: ഗംഗോണ്ടനഹള്ളിയിൽ കൊൽക്കത്ത സ്വദേശിനിയായ 30 വയസ്സുകാരി കൂട്ടബലാത്സംഗത്തിന് ഇരയായി. അഞ്ചു പേർ യുവതിയുടെ വാടക വീട്ടിൽ അതിക്രമിച്ചു കയറി ബലാത്സംഗം ചെയ്ത ശേഷം വിലപിടിപ്പുള്ള വസ്തുക്കളും പണവും കവർന്നു. സംഭവത്തിൽ രണ്ടു പേരെ പോലീസ് അറസ്റ്റ് ചെയ്തു. റിപ്പോർട്ടുകൾ പ്രകാരം മൂന്നു പ്രതികൾ യുവതിയെ ബലാത്സംഗം ചെയ്യുകയും രണ്ടു പേർ വീടിന് കാവൽ നിൽക്കുകയും ചെയ്യുകയുമായിരുന്നു.

പോലീസ് സൂപ്രണ്ട് സി.കെ.ബാബയുടെ നേതൃത്വത്തിലുള്ള സംഘം സ്ഥലത്തെത്തി സ്ഥിതിഗതികൾ വിലയിരുത്തി. ഇന്നലെ നടത്തിയ തിരച്ചിലിനൊടുവിലാണ് പ്രദേശത്തെ ഗുണ്ടകളായ രണ്ടു പേരെ അറസ്റ്റ് ചെയ്തത്. ഒളിവിൽപ്പോയ മറ്റുമൂന്നു പ്രതികൾക്കായി സിസിടിവി ദൃശ്യങ്ങൾ കേന്ദ്രീകരിച്ചുള്ള അന്വേഷണം തുടരുകയാണ്. സലൂണിൽ ജോലി ചെയ്യുന്ന യുവതിയാണ് പീ‍‍‍ഡനത്തിന് ഇരയായത്. ഇവരെ വിദഗ്ധ ചികിത്സയ്ക്കായി ആശുപത്രിയിലേക്ക് മാറ്റി.

Leave a Reply

Your email address will not be published. Required fields are marked *