യുവനടിയുടെ ഗ്ലാമർ ചിത്രങ്ങൾ തന്റെ സോഷ്യൽ മീഡിയയിൽ റീ പോസ്റ്റ് ചെയ്ത് തമിഴ്നാട് ഉപമുഖ്യമന്ത്രിയും നടനുമായ ഉദയനിധി സ്റ്റാലിൻ. പിന്നാലെ വലിയ വിമർശനമാണ് ഉദയനിധി നേരിടുന്നത്. നടിയും മോഡലുമായ നിവാഷിയ്നി കൃഷ്ണൻ അവരുടെ ഇൻസ്റ്റാഗ്രാമിൽ പങ്കിട്ട ചിത്രങ്ങളാണ് തമിഴ്നാട് ഉപമുഖ്യമന്ത്രി തന്റെ സോഷ്യൽ മീഡിയയിൽ പങ്കുവെച്ചത്. ഉദയനിധിയെ പ്രതിരോധിച്ചും വിമർശിച്ചും നിരവധി പേരാണ് സോഷ്യൽ മീഡിയയിൽ രംഗത്ത് എത്തുന്നത്.
ബിഗ് ബോസ് സീസൺ സിക്സിലെ മത്സരാർത്ഥി കൂടെയായിരുന്നു ഈ യുവ നടി. ബൂമറാങ് എന്ന തമിഴ് ചിത്രത്തിലും അഭിനയിച്ചിട്ടുണ്ട്. താരത്തിന്റെ ഗ്ലാമർ ചിത്രങ്ങളാണ് ഉദയനിധി ഷെയർ ചെയ്തത്. എന്നാൽ ഇത് ഉദയനദി സ്റ്റാലിൻ ഷെയർ ചെയ്തതല്ല എന്നും വ്യാജവാർത്ത ആണെന്നും ആയിരുന്നു തുടക്കത്തിൽ നൽകുയുരുന്ന വിശദീകരണം. പക്ഷെ തമിഴ് മാധ്യമങ്ങൾ അടക്കം ഇത് വലിയ വാർത്തയാക്കാൻ തുടങ്ങിയതോടെ കൈ തട്ടി ഷെയർ ആയിപ്പോയതാണ് എന്നാണ് ഒടുവിലത്തെ വിശദീകരണം. എങ്കിലും ഇതിനെ ബന്ധപ്പെടുത്തി നിരവധി ട്രോളുകളാണ് സോഷ്യൽ മീഡിയയിൽ വരുന്നത്. കൂടാതെ ഉദയനിധി ഈ സംഭവത്തിൽ ഇതുവരെ പ്രതികരിച്ചിട്ടില്ല.