തിരുവനന്തപുരം: ശബരിമല സ്വർണ്ണമോഷണവുമായി ബന്ധപ്പെട്ട് മുൻ മേൽശാന്തി ഉണ്ണികൃഷ്ണൻ പോറ്റിയെ പ്രത്യേക അന്വേഷണ സംഘം കസ്റ്റഡിയിലെടുത്തു. രഹസ്യ കേന്ദ്രത്തിൽ വെച്ച് ഉണ്ണികൃഷ്ണനെ ചോദ്യം ചെയ്തു വരികയാണ്. നേരത്തെ ദേവസ്വം വിജിലൻസ് പലതവണ ഇദ്ദേഹത്തെ ചോദ്യം ചെയ്തിരുന്നു. ചോദ്യം ചെയ്യലിലൂടെ എത്രത്തോളെ സ്വർണ്ണം തട്ടിയെടുത്തു എന്നതുൾപ്പെടെയുള്ള കാര്യങ്ങൾ പുറത്തുവരുമെന്നാണ് പ്രതീക്ഷ. പത്തുദിവസത്തിനകം കേസിന്റെ റിപ്പോർട്ട് കോടതിയിൽ സമർപ്പിക്കേണ്ടതുണ്ട്.

കൂടാതെ സ്വർണ്ണ വിവാദവുമാി ബന്ധപ്പെട്ട് തിരുവിതാംകൂർ ദേവസ്വം ബോർഡ് ഉദ്യോഗസ്ഥർക്കെതിരെ നടപടി തുടരുകയാണ്. ശബരിമലയിലെ അസിസ്റ്റന്റ് എൻജിനീയറായ സുനിൽ കുമാറിനെ സംഭവത്തിൽ സസ്പെൻഡ് ചെയ്തു. നേരത്തെ 2019-ൽ ശബരിമലയിൽ അഡ്മിനിസ്ട്രേറ്റീവ് ഓഫീസറായിരുന്ന മുരാരി ബാബുവിനെതിരെ നടപടിയെടുത്തിരുന്നു. 2025-ൽ ഉണ്ണികൃഷ്ണൻ പോറ്റിയുടെ കൈയിൽ സ്വർണ്ണപ്പാളി കൊടുത്തുവിട്ടതും, 2019-ൽ വിജയ് മല്യ നൽകിയ സ്വർണ്ണം ചെമ്പാണെന്ന് റിപ്പോർട്ട് നൽകിയതും മുരാരി ബാബുവാണ്.