കൊച്ചി: എംഡിഎംയും കഞ്ചാവും നൽകി മുൻ കോളേജ് അധ്യാപികയെ കൂട്ട ബലാത്സംഗത്തിനിടയാക്കിയതായി പരാതി. യുവതിയുടെ പരാതിയിൽ കോട്ടയം സ്വദേശികൾ അറസ്റ്റിൽ. കോട്ടയം പുത്തൻപറമ്പിൽ വീട്ടിൽ മാർട്ടിൻ ആന്റണി(27) , മലപ്പുറം വടക്കേപ്പുറത്ത് വീട്ടിൽ ഫിറോസ് (28) എന്നിവരെയാണ് കളമശേരി പൊലീസ് പിടികൂടിയത്. തിങ്കളാഴ്ച രാത്രിയാണ് മലപ്പുറം സ്വദേശിനെ കളമശ്ശേരി പോലീസിൽ എത്തി പരാതി നൽകിയത്.

നെടുമ്പാശ്ശേരിയിലേയും കളമശ്ശേരിയിലെയും ഫ്ലാറ്റുകളിൽ കൊണ്ടുപോയി നിർബന്ധിപ്പിച്ച് എംഡിഎംഎയും കഞ്ചാവും നൽകി ബോധം കെടുത്തി ലൈംഗികമായി പീഡിപ്പിച്ചു എന്നാണ് പരാതി. നിരവധി തവണ പീഡനത്തിനിരയാക്കി എന്നും പ്രതികൾ ഒരുമിച്ചും അല്ലാതെയും പീഡിപ്പിച്ചു എന്നും പരാതിയിൽ പറയുന്നു. നേരത്തെ കോളേജിൽ അധ്യാപികയായിരുന്ന യുവതിയും യുവാക്കളും ഒരു പരിപാടിയിൽ വച്ചാണ് പരസ്പരം പരിചയപ്പെട്ടത്. പ്രതികൾ യൂസ്ഡ് കാർ വിൽപ്പനയും റെന്റ് എ കാർ ബിസിനസും നടത്തുന്നവരാണ്.