തിരുവനന്തപുരം: കോർപ്പറേഷൻ മേയർ ആര്യാ രാജേന്ദ്രനെ ഇത്തവണ മത്സരിപ്പിക്കില്ല എന്ന് റിപ്പോർട്ട്. നിയമസഭ തിരഞ്ഞെടുപ്പ് മുൻനിർത്തി ആര്യയെ മാറ്റിനിർത്തുമെന്നാണ് സൂചന. പകരം ശിശുക്ഷേമ സമിതി മുൻ ചെയർമാൻ എസ് പി ദീപക് ഉൾപ്പെടെയുള്ളവരെ മേയർ ലക്ഷ്യമിട്ട് രംഗത്തിറക്കാനും ആലോചന. യുവത്വത്തിനൊപ്പം പരിചയ സമ്പത്തിന് ആണ് ഇത്തവണ സ്ഥാനാർത്ഥി നിർണ്ണയത്തിൽ കൂടുതൽ പ്രാധാന്യം നൽകുന്നതെന്നും അന്തിമ തീരുമാനമായിട്ടില്ലെന്നും സിപിഎം തിരുവനന്തപുരം ജില്ലാ സെക്രട്ടറി വി ജോയ് മാധ്യമങ്ങളോട് പ്രതികരിച്ചു.
22 വയസ്സ് തികയാത്ത ഇന്ത്യയിലെ ഏറ്റവും പ്രായം കുറഞ്ഞ മേയർ ആയിരുന്നു ആര്യ രാജേന്ദ്രൻ. ഇക്കഴിഞ്ഞ അഞ്ചുവർഷക്കാലം ആര്യയ്ക്കെതിരെ പ്രതിപക്ഷം ആരോപണമുന്നയിച്ചതും പ്രായ കുറവും പ്രവർത്തനമില്ലായ്മയും ചൂണ്ടിക്കാട്ടിയായിരുന്നു. ആര്യയുടെ ഭരണകാലം അഴിമതി നിറഞ്ഞതായിരുന്നു എന്നും പിൻസീറ്റ് ഡ്രൈവിംഗ് എന്നും പക്വതക്കുറവ് ഉണ്ടെന്നും എതിരാളികൾ നിരന്തരം വിളിച്ചുപറഞ്ഞു.
എന്നാൽ സ്മാർട്ട് റോഡ് അടക്കമുള്ള വികസനങ്ങളും ഉപതെരഞ്ഞെടുപ്പുകളിൽ എല്ലാം ഉണ്ടായ വിജയവും മറുപടിയായി കാട്ടുന്ന സിപിഎം ആര്യയുടെ കഴിവിനെ അംഗീകരിക്കുകയാണ്. എന്നാൽ ഇത്തവണ ആര്യ മത്സരത്തിനിറങ്ങില്ല. നയിക്കാൻ ഇറക്കാൻ ആണ് സിപിഎം നീക്കം. അടുത്ത സ്ഥാനം ജനറൽ ആയതിനാൽ പുരുഷ മേയറെ പരിഗണിക്കുന്നതാണ് ഇതിന്റെ പ്രധാന കാരണം. നിയമസഭ തിരഞ്ഞെടുപ്പിൽ നിയമം ഉൾപ്പെടെയുള്ള മണ്ഡലങ്ങളിൽ മത്സരിപ്പിക്കാനും നീക്കം ഉള്ളതായി സൂചന.