പാലക്കാട്: കല്ലടിക്കോട് മരുതംകാട് രണ്ട് യുവാക്കളുടെ മൃതദേഹം ദുരൂഹ സാഹചര്യത്തിൽ കണ്ടെത്തി. മരുതുംകാട് സ്വദേശിയായ ബിനു(45), നിധിൻ (25) എന്നിവരാണ് മരിച്ചത്. രണ്ട് വ്യത്യസ്ത സ്ഥലങ്ങളിലായാണ് അയൽവാസികളായ ഇവരുടെയും മൃതദേഹങ്ങൾ കണ്ടെത്തിയത്. സമീപത്തായി ഒരു നാടൻ തോക്കും ഒരു കത്തി എന്നിവയും കണ്ടെടുത്തിട്ടുണ്ട്.

നിധിന്റെ മൃതദേഹം സ്വന്തം വീടിനകത്തു നിന്നു തന്നെയാണ് കണ്ടെത്തിയത്. കയ്യിൽ കത്തിയും ഉണ്ടായിരുന്നു. ബിനു മരിച്ചു കിടന്നത് വീടിന്റെ പുറത്തായിരുന്നു. ഇയാളുടെ മൃതദേഹത്തിനു സമീപത്തുനിന്നും നാടൻ തോക്കും കണ്ടെടുത്തിട്ടുണ്ട്. ടാപ്പിംഗ് തൊഴിലാളിയാണ് ബിനു. ഇയാളുടെ മൃതദേഹമാണ് ആദ്യം കണ്ടെത്തിയത്. ആ സമയത്ത് ജീവൻ ഉണ്ടായിരുന്നതായാണ് പോലീസ് നൽകിയ വിവരം.

അൽപ്പസമയം കഴിഞ്ഞാണ് മരണം സംഭവിച്ചത്. ബിനുവിന്റെ മൃതദേഹം കണ്ടെത്തി ഒരു മണിക്കൂറിനു ശേഷമാണ് നിധിന്റെ മൃതദേഹം കണ്ടെത്തിയത്. അതേസമയം പ്രദേശത്തു നിന്നും വെടിച്ചയോ മറ്റു ശബ്ദമോ ഒന്നും കേട്ടിരുന്നില്ല എന്നാണ് ടാപ്പിംഗ് തൊഴിലാളി പറഞ്ഞത്. പാലക്കാട് ജില്ലാ പോലീസ് മേധാവി അജിത് കുമാർ സംഭവസ്ഥലത്ത് എത്തി അന്വേഷണം തുടങ്ങി.