വയനാട്: പൂജയ്ക്കായി വീട്ടിലെത്തിയ വിദ്യാർത്ഥിനിയെ പീഡിപ്പിച്ച കേസിൽ പൂജാരി അറസ്റ്റിൽ. വയനാട് മുട്ടിൽ സ്വദേശി കുഞ്ഞുമോനാണ് അറസ്റ്റിലായത്. ഉറക്കത്തിൽ ദുസ്വപ്നം കാണുന്നതിന് പരിഹാരം തേടിയാണ് പെൺകുട്ടി അമ്മയോടൊപ്പം ഇയാളുടെ വീട്ടിലെത്തിയത്.
ഇതിന് പരിഹാരമായി കുഞ്ഞുമോൻ പൂജ നിർദ്ദേശിക്കുകയായിരുന്നു. പൂജാസാമഗ്രികളുമായി എത്തിയപ്പോഴാണ് പീഡനം നടന്നത്. പിന്നീടുള്ള ദിവസങ്ങളിൽ പെൺകുട്ടിയുടെ പിറകെ നടന്ന് ശല്യം ചെയ്യുകയും നഗ്നചിത്രങ്ങൾ കാട്ടി ഭീഷണിപ്പെടുത്തുകയും ചെയ്തതോടെയാണ് കുടുംബം പോലീസിൽ പരാതി നൽകിയത്.