നടൻ ജയകൃഷ്ണനും സുഹൃത്തുക്കൾക്കും എതിരെ വർഗീയ പരാമർശം നടത്തിയെന്ന കുറ്റത്തിന് കേസെടുത്തു. ഓൺലൈൻ ടാക്സി ഡ്രൈവറെ ഫോണിലൂടെയാണ് ഇവർ വർഗീയമായി അധിക്ഷേപിച്ചത്. സംഭവത്തിൽ മംഗളൂരു ഉറവ പോലീസ് ആണ് കേസെടുത്തത്. തന്നോട് മോശമായി അധിക്ഷേപം നടത്തിയത് ഡ്രൈവർ ചോദ്യം ചെയ്തപ്പോൾ വീണ്ടും അധിക്ഷേപിച്ചതായാണ് പരാതി. ജയകൃഷ്ണൻ സുഹൃത്തുക്കളായ സന്തോഷ് എബ്രഹാം വിമൽ എന്നിവർക്കെതിരെയാണ് കേസ് രജിസ്റ്റർ ചെയ്തിരിക്കുന്നത്. അതേസമയം പോലീസ് സ്റ്റേഷനിൽ വച്ച് നടൻ ഡ്രൈവറോട് മാപ്പ് ചോദിക്കുന്ന ദൃശ്യങ്ങൾ പുറത്ത്.
വ്യാഴാഴ്ച രാത്രിയാണ് സംഭവം. ബംഗളൂരു ബജാജ് ന്യൂ റോഡിൽ നിന്ന് ജയകൃഷ്ണൻ യാത്രയ്ക്ക് വേണ്ടി ഓൺലൈൻ ടാക്സി ബുക്ക് ചെയ്തിതുന്നു. പിക്കപ്പ് പോയിന്റ് ഉറപ്പിക്കുന്നതിനായി ടാക്സി ഡ്രൈവർ അഹമ്മദ് ഷക്കിർ ആപ്പ് വഴി വിളിച്ചപ്പോൾ സംഭാഷണം അവസാനിക്കുന്ന മുമ്പായി ഡ്രൈവർ മുസ്ലിം തീവ്രവാദിയാണെന്ന് ഒപ്പം ഉണ്ടായിരുന്നവരോട് പറയുകയായിരുന്നു.
ഇത് ഫോണിലൂടെ കേട്ട ഡ്രൈവർ ചോദ്യം ചെയ്തപ്പോൾ, നടൻ മലയാളത്തിൽ ഡ്രൈവറുടെ അമ്മയെക്കുറിച്ച് മോശം പരാമർശം നടത്തി എന്നും ആരോപണമുണ്ട്. പ്രകോപനമുണ്ടാക്കൽ, വിദ്വേഷ പരാമർശം വഴി പൊതുസമാധാനം തകർക്കാനുള്ള ശ്രമം തുടങ്ങിയ കുറ്റങ്ങളാണ് നടനും സുഹൃത്തുക്കൾക്കും എതിരെ ചുമത്തിയിരിക്കുന്നത്.