D A I L Y  M A L A Y A L A M  N E W S

Archives
SUBSCRIBE
പത്തനംതിട്ടയിൽ സാനിറ്ററി ഷോപ്പിൽ 2 ലക്ഷം രൂപയുടെ മോഷണം
കടയിൽ കവർച്ച നടന്ന അതേദിവസം തന്നെ തൊട്ടടുത്ത് താമസിക്കുന്ന കെഎസ്ഇബി ജീവനക്കാരന്റെ വീട്ടിൽ നിന്നും ബൈക്ക് കവർന്നതായും പരാതിയുണ്ട്

പത്തനംതിട്ട: തെക്കേമലയിൽ സാനിറ്ററി കടയിൽ മോഷണം. കടയിൽ നിന്നും രണ്ട് ലക്ഷം രൂപയുടെ കവർച്ച നടത്തിയതായി പരാതി. കടയുടമയുടെ പിതാവ് മരിച്ചതിനെതുടർന്ന് കട അടച്ചിട്ടിരിക്കുകയായിരുന്നു. ഈ സമയത്താണ് കവർച്ച നടന്നത്. കടയും സ്ഥലവുമെല്ലാം നന്നായി അറിയാവുന്നവർ തന്നെയായിരിക്കും മോഷണത്തിനു പിന്നിലെന്നാണ് കടയുടെ ഉടമ ആരോപിക്കുന്നത്.

പൂട്ടു പൊളിച്ച് അകത്തെത്തിയ മോഷ്ടാക്കൾ പാക്കറ്റുകൾ പൊളിച്ച് പൈപ്പും വിലയേറിയ സാനിറ്ററി ഉത്പന്നങ്ങളുമാണ് കവർന്നത്. അതേസമയം കടയിൽ കവർച്ച നടന്ന അതേദിവസം തന്നെ തൊട്ടടുത്ത് താമസിക്കുന്ന കെഎസ്ഇബി ജീവനക്കാരന്റെ വീട്ടിൽ നിന്നും ബൈക്ക് കവർന്നതായും പരാതിയുണ്ട്. അതേസമയം മോഷണം നടന്ന കടയിലെ സിസിടിവി ക്യാമറ പ്രവർത്തനരഹിതമായിരുന്നു. സംഭവത്തിൽ പോലീസ് അന്വേഷണം ആരംഭിച്ചു.

Leave a Reply

Your email address will not be published. Required fields are marked *