തിരുവനന്തപുരം: ശബരിമല സ്വർണ്ണപ്പാളി വിവാദത്തിൽ അന്വേഷണത്തിന് ശേഷം ശാസ്ത്രീയമായി ഉത്തരം പറയാമെന്ന് എംവി ​ഗോവിന്ദൻ. നിയമസഭയിൽ അടിയന്തര പ്രമേയത്തിന് നോട്ടീസ് നൽകാത്തത് എന്തുകൊണ്ടാണെന്ന് സി.പി.എം. സംസ്ഥാന സെക്രട്ടറി എം.വി. ഗോവിന്ദൻ ചോദിച്ചു. നോട്ടീസ് നൽകിയിരുന്നെങ്കിൽ ചർച്ച ചെയ്യാൻ എൽ.ഡി.എഫ്. സർക്കാർ തയ്യാറായിരുന്നു. ചർച്ചയ്ക്ക് നിൽക്കാതെ സഭ അലങ്കോലമാക്കാനാണ് യു.ഡി.എഫ്. ശ്രമിച്ചത്. ചർച്ചയെ എന്തിനാണ് ഭയക്കുന്നതെന്നും അദ്ദേഹം ചോദിച്ചു.

രാഷ്ട്രീയ മുദ്രാവാക്യങ്ങൾക്ക് എൽ.ഡി.എഫ്. വഴങ്ങില്ല. അന്വേഷണം കഴിയാതെ ഈ വിഷയത്തിൽ പ്രതികരിക്കില്ല. "ഞങ്ങൾക്ക് ഇതിൽ ഒന്നും മറച്ചുവെക്കാനില്ല. കുറ്റവാളികൾ ആരെയും സംരക്ഷിക്കാനില്ല. കോടതിയുടെ നിയന്ത്രണത്തിലുള്ള അന്വേഷണത്തിൽ കുറ്റവാളി ആരാണെന്ന് വരട്ടെ, അതിനനുസരിച്ച് നടപടിയെടുക്കാം," ഗോവിന്ദൻ പറഞ്ഞു. ഈ വിഷയത്തെ രാഷ്ട്രീയ പ്രചാരണത്തിന് ഉപയോഗിച്ചതുകൊണ്ട് ഇടതുപക്ഷത്തിന്റെ മൂന്നാംഘട്ട പ്രവേശനത്തെ തടയാൻ കഴിയില്ലെന്നും അദ്ദേഹം കൂട്ടിച്ചേർത്തു.