തിരുവനന്തപുരം: ശബരിമല സ്വർണപാളി വിവാദത്തിന്റെ പശ്ചാത്തലത്തിൽ സംസ്ഥാന സർക്കാരിനെ വിമർശിച്ച് മുതിർന്ന സി.പി.ഐ.എം. നേതാവ് ജി. സുധാകരൻ. സ്വർണപ്പാളി മോഷണത്തിൽ നമ്മൾ നമ്പർ വൺ ആണോ? എന്നാണ് ജി. സുദാകരന്റെ പരിഹാസം. കെ.പി.സി.സി.യുടെ സാംസ്കാര സാഹിതി വേദിയിൽ 'സംസ്കാരവും രാഷ്ട്രീയവും ഇന്ന് നാളെ' എന്ന വിഷയത്തിൽ സംസാരിക്കുമ്പോഴായിരുന്നു ഈ പരാമർശം. "നമ്പർ വണ്ണാണ് എന്ന് പറയുന്നതിൽ സൂക്ഷ്മത വേണം," എന്നാണ് കെ.പി.സി.സി. വേദിയിൽ സംസാരിച്ച സുധാകരൻ പറഞ്ഞത്.
"എല്ലാവരും ആവർത്തിച്ച് നമ്മൾ നമ്പർ വൺ ആണെന്ന് പറയുകയാണ്. ചില കാര്യങ്ങളിൽ നമ്പർ വൺ ആണെന്നത് ശരിയാണ്. എന്നാൽ എല്ലാ കാര്യങ്ങളിലും നമ്പർ വൺ ആയാൽ എല്ലാം പൂർണമായി എന്നാണ്. എല്ലാ കാര്യങ്ങളിലും പൂർണമായാൽ പിന്നെ മുന്നോട്ട് പോകേണ്ടതില്ലല്ലോ," സുധാകരൻ പറഞ്ഞു.
എന്നാൽ, സ്വർണപ്പാളി മോഷണം അടക്കമുള്ള പല വൃത്തികേടുകളിലും നമ്മൾ ഒന്നാമതാണ്. "സ്വർണപ്പാളിയിൽ കേരളം ഒന്നാമതാണോ?" എന്നും അദ്ദേഹം ചോദിച്ചു. സ്വർണപ്പാളി മോഷണത്തിൽ സി.പി.ഐ.എമ്മും കോൺഗ്രസും താനും അടക്കം പലരും പറഞ്ഞിട്ടുണ്ടെന്നും മുതിർന്ന സി.പി.ഐ.എം. നേതാവായ ജി. സുധാകരൻ കൂട്ടിച്ചേർത്തു.