തിരുവനന്തപുരം: നിയമസഭാ സമ്മേളനത്തിൽ പങ്കെടുത്തത് കോൺഗ്രസ് നേതൃത്വത്തെ ധിക്കരിച്ചുകൊണ്ടല്ലെന്ന് എം.എൽ.എ. രാഹുൽ മാങ്കൂട്ടത്തിൽ. പാർട്ടിക്ക് പൂർണ്ണമായും വിധേയനായി മാത്രമേ പ്രവർത്തിക്കൂ. ഒരു നേതാവിനെയും കാണാൻ ശ്രമിച്ചിട്ടില്ലെന്നും, അതുകൊണ്ട് തന്നെ ആരും കാണാൻ വിസമ്മതിച്ചിട്ടില്ലെന്നും അദ്ദേഹം മാധ്യമങ്ങളോട് പറഞ്ഞു.
നിലവിൽ സസ്‌പെൻഷനിലാണെങ്കിലും മരണംവരെ താൻ കോൺഗ്രസുകാരനായിരിക്കുമെന്നും രാഹുൽ മാങ്കൂട്ടത്തിൽ വ്യക്തമാക്കി. തനിക്കെതിരെ ഉയർന്ന ആരോപണങ്ങളിൽ അന്വേഷണം നടക്കട്ടെ. പിണറായി വിജയൻ സർക്കാരിന്റെ കാലത്താണ് താൻ ഏറ്റവും കൂടുതൽ കാലം ജയിലിൽ കിടന്നതെന്നും, അതിനാൽ തനിക്കെതിരെ യാതൊരു ആനുകൂല്യവും ലഭിക്കുന്ന അന്വേഷണമായിരിക്കില്ല ഇത് എന്നും അദ്ദേഹം കൂട്ടിച്ചേർത്തു.