Actor Mammootty Birthday: പിറന്നാൾ ദിനത്തിൽ സർവ്വശക്തനും ആരാധകരുടെ സ്നേഹത്തിനും നന്ദി പറഞ്ഞ് നടൻ മമ്മൂട്ടി( Mammootty ). കറുത്ത ലാൻഡ് ക്രൂസറിൽ ചാരി, കടലിലേക്ക് നോക്കി നിൽക്കുന്ന ചിത്രം പങ്കുവെച്ചാണ് അദ്ദേഹം ഈ കുറിപ്പ് പങ്കുവെച്ചത്.
“എല്ലാവർക്കും നിറയെ സ്നേഹവും നന്ദിയും, പിന്നെ സർവ്വശക്തനും,” എന്നാണ് മമ്മൂട്ടി ചിത്രത്തോടൊപ്പം കുറിച്ചിരിക്കുന്നത്. ഏഴുമാസത്തെ ഇടവേളയ്ക്കു ശേഷം താരരാജാവ് എത്തിയതിന്റെ ആവേശത്തിലാണ് ആരാധകരും.
മിനിറ്റുകൾക്കകമാണ് മമ്മൂട്ടിയുടെ പോസ്റ്റ് സോഷ്യൽ മീഡിയയിൽ ട്രെന്റിങ് ആയിരിക്കുന്നത്. അദ്ദേഹത്തിൻ്റെ പിറന്നാൾ പുലർച്ചെ ചെന്നൈയിലെ വീട്ടിൽ നിന്ന് അധികം ദൂരമില്ലാത്ത കടലോരത്ത് നിന്നാണ് ഈ ചിത്രം പകർത്തിയത്. ഈ പോസ്റ്റിന് താഴെ നിരവധി ആളുകളാണ് പിറന്നാൾ ആശംസകൾ അറിയിച്ചിരിക്കുന്നത്.
രണ്ടാഴ്ചയ്ക്കുള്ളിൽ മമ്മൂട്ടി വീണ്ടും ക്യാമറയ്ക്ക് മുന്നിലേക്ക് എത്തുമെന്നാണ് നിർമാതാവ് വെളിപ്പെടുത്തിയിരിക്കുന്നത്. താരത്തിന്റെ തിരിച്ചുവരവിനായി കാത്തിരിക്കുകയാണ് ആരാധകരും.