തൊടുപുഴ: മറുനാടൻ മലയാളി ഉടമ ഷാജൻ സ്കറിയക്ക് മർദനം. തൊടുപുഴ മങ്ങാട്ടുകവലയിൽ വെച്ച് കാറിൽ പിന്തുടർന്നെത്തിയ സംഘമാണ് അദ്ദേഹത്തെ മർദിച്ചത്.

ഇടുക്കിയിലെ ഒരു വിവാഹച്ചടങ്ങിൽ പങ്കെടുത്തശേഷം മടങ്ങുമ്പോഴാണ് ശനിയാഴ്ച വൈകുന്നേരം ഷാജൻ സ്കറിയക്ക് നേരെ ആക്രമണമുണ്ടായത്. ആക്രമണത്തിന് പിന്നിൽ ആരാണെന്ന് വ്യക്തമല്ല.

മർദനത്തിൽ പരിക്കേറ്റ അദ്ദേഹത്തെ തൊടുപുഴ ജില്ലാ ആശുപത്രിയിൽ പ്രവേശിപ്പിച്ചു. പോലീസാണ് അദ്ദേഹത്തെ ആശുപത്രിയിലെത്തിച്ചത്. അദ്ദേഹത്തിന് ഗുരുതരമായ പരിക്കുകളില്ലെന്ന് ആശുപത്രി അധികൃതർ അറിയിച്ചു. സംഭവത്തിൽ ഷാജൻ സ്കറിയയുടെ വിശദമായ മൊഴി രേഖപ്പെടുത്തിയ ശേഷം പോലീസ് കേസെടുക്കും.