ന്യൂഡൽഹി: ഭാഷകൾ പഠിക്കാൻ ആർട്ടിഫിഷ്യൽ ഇന്റലിജൻസിന് (AI) കഴിയും, എന്നാൽ അതിന് വികാരങ്ങൾ മനസ്സിലാക്കാൻ സാധിക്കുമോ എന്ന് ആർഎസ്എസ് മേധാവി മോഹൻ ഭാഗവത്. മൂന്ന് ദിവസത്തെ പ്രഭാഷണ പരമ്പരയുടെ അവസാന ദിവസം വിജ്ഞാൻ ഭവനിൽവെച്ച് ചോദിച്ച ചോദ്യത്തിന് മറുപടി നൽകുകയായിരുന്നു അദ്ദേഹം.
"ഗുണദോഷങ്ങൾ പഠിച്ചതിന് ശേഷം… കവിതകൾ എഴുതാൻ എഐക്ക് കഴിയുമെന്ന് എന്നോട് പറഞ്ഞിട്ടുണ്ട്… അതിന് ഭാഷകൾ പഠിക്കാൻ കഴിയും, പക്ഷേ വികാരങ്ങൾ മനസ്സിലാക്കാൻ സാധിക്കുമോ?" ഭാഗവത് ചോദിച്ചു.രാഷ്ട്രീയ സ്വയംസേവക് സംഘിന്റെ (ആർഎസ്എസ്) 100 വർഷം ആഘോഷിക്കുന്നതിന്റെ ഭാഗമായാണ് പ്രഭാഷണ പരമ്പര സംഘടിപ്പിച്ചത്.



