D A I L Y  M A L A Y A L A M  N E W S

Archives
SUBSCRIBE
കാൽപന്തുകളിയുടെ മിശിഹാ കേരളത്തിലേക്ക്; പ്രധാനമന്ത്രിക്കും മുഖ്യമന്ത്രിക്കും നന്ദി അറിയിച്ച് AFA വീഡിയോ പങ്കുവെച്ചു
നവംബർ 10നും 18നും ഇടയിലുള്ള തീയതികളിലാണ് അർജന്റീന ടീം കേരളത്തിൽ എത്തുക

കാൽപന്തുകളിയുടെ മിശിഹാ കേലറത്തിലേക്ക്. ഫുട്‌ബോൾ ലോകകപ്പ് ജേതാക്കളായ അർജന്റീന ദേശീയ ടീം ഈ വർഷം നവംബറിൽ കേരളത്തിലെത്തുമെന്ന് സ്ഥിരീകരിച്ചു. ടീം അംഗവും ഇതിഹാസ താരവുമായ ലയണൽ മെസ്സിയും കേരള സന്ദർശനത്തിൽ ഉണ്ടാവും. ഇത് സംബന്ധിച്ച ഔദ്യോഗിക പ്രമോ വീഡിയോ അർജന്റീന ഫുട്‌ബോൾ അസോസിയേഷൻ (AFA) സോഷ്യൽ മീഡിയയിലൂടെ പങ്കുവെച്ചു.

"ഞങ്ങൾ കേരളത്തിലേക്ക് വരുന്നു" എന്ന സന്ദേശത്തോടെയാണ് പ്രമോ വീഡിയോ പങ്കുവെച്ചിരിക്കുന്നത്. പ്രധാനമന്ത്രി നരേന്ദ്ര മോദി, മുഖ്യമന്ത്രി പിണറായി വിജയൻ, കായിക മന്ത്രി വി. അബ്ദുറഹിമാൻ എന്നിവർക്ക് AFA നന്ദി അറിയിച്ചു.

ഇൻസ്റ്റാഗ്രാം, ഫേസ്ബുക്ക്, എക്സ് എന്നീ സോഷ്യൽ മീഡിയ പ്ലാറ്റ്‌ഫോമുകളിലൂടെയാണ് AFA ഇന്ത്യ ഈ പ്രമോ വീഡിയോ പങ്കുവെച്ചിരിക്കുന്നത്. ലോകമെമ്പാടും കായികരംഗം വികസിപ്പിക്കുന്നതിനുള്ള AFA-യുടെ പുതിയ പദ്ധതിയുടെ ഭാഗമാണിത്. ഒരു വർഷം മുൻപ് മാഡ്രിഡിൽ വെച്ച് കേരള സർക്കാരുമായി നടത്തിയ ചർച്ചകളുടെ ഫലമായാണ് ഈ സന്ദർശനം സാധ്യമായത്.

നവംബർ 10നും 18നും ഇടയിലുള്ള തീയതികളിലാണ് അർജന്റീന ടീം കേരളത്തിൽ എത്തുക. ഫിഫ അനുവദിച്ച നവംബർ വിൻഡോയിൽ ലുവാണ്ടയിലും കേരളത്തിലും ടീം സൗഹൃദ മത്സരങ്ങൾ കളിക്കും. കേരള സർക്കാരുമായി സഹകരിച്ച് റിപ്പോർട്ടർ ബ്രോഡ്കാസ്റ്റിംഗ് കമ്പനി പ്രൈവറ്റ് ലിമിറ്റഡാണ് ഈ വലിയ സംരംഭത്തിന് പിന്നിൽ.

Leave a Reply

Your email address will not be published. Required fields are marked *