റോം: സംഘർഷം തുടരുന്ന മധ്യപൂർവദേശത്തും യുക്രെയ്നിലും സമാധാനത്തിനും നീതിക്കും വേണ്ടി വെള്ളിയാഴ്ച്ച ഉപവസിക്കാനും പ്രാർത്ഥിക്കാനും ഫ്രാൻസിസ് മാർപാപ്പ വിശ്വാസികളോട് ആഹ്വാനം ചെയ്തു. ഗാസയിലും യുക്രെയ്നിലും ഉടൻ വെടിനിർത്തൽ പ്രഖ്യാപിക്കണമെന്നും ചർച്ചകളിലൂടെ പ്രശ്നങ്ങൾക്ക് ശാശ്വത പരിഹാരം കാണണമെന്നും അദ്ദേഹം ആവശ്യപ്പെട്ടു.
കന്യകാമറിയത്തിന്റെ തിരുനാൾ ദിനമായ നാളെ, ഗാസയിലെയും യുക്രെയ്നിലെയും സംഘർഷം നിറഞ്ഞ മറ്റ് പ്രദേശങ്ങളിലെയും ജനങ്ങളുടെ ദുരിതങ്ങൾ അവസാനിക്കുന്നതിനായി പ്രത്യേകമായി പ്രാർത്ഥിക്കണമെന്നും മാർപാപ്പ വിശ്വാസികളോട് പറഞ്ഞു. ലോകസമാധാനത്തിന് വേണ്ടിയുള്ള അദ്ദേഹത്തിന്റെ നിരന്തരമായ ആഹ്വാനങ്ങളുടെ ഭാഗമായാണ് ഈ ഉപവാസ പ്രാർത്ഥന.