സിറിയയിലെ ഇസ്‌ലാമിക് സ്റ്റേറ്റ് (IS) ഭീകരകേന്ദ്രങ്ങൾ ലക്ഷ്യമാക്കി അമേരിക്കൻ സൈന്യം ശക്തമായ വ്യോമാക്രമണം നടത്തി. ഡിസംബറിൽ രണ്ട് യുഎസ് സൈനികരുടെയും ഒരു പരിഭാഷകന്റെയും മരണത്തിന് കാരണമായ ആക്രമണത്തിനുള്ള മറുപടിയായാണ് ഈ നടപടി.

'ഓപ്പറേഷൻ ഹോക്കി സ്ട്രൈക്ക്' (Operation Hawkeye Strike) എന്ന് പേരിട്ട ഈ ദൗത്യത്തിലൂടെ മുപ്പതിലധികം കേന്ദ്രങ്ങൾ തകർക്കുകയും അൻപതിലേറെ ഭീകരരെ വധിക്കുകയോ പിടികൂടുകയോ ചെയ്യുകയും ചെയ്തു. ഫെബ്രുവരി ആദ്യവാരങ്ങളിൽ നടന്ന ഈ സൈനിക നീക്കത്തിൽ യുഎസ് സെൻട്രൽ കമാൻഡ് പത്തോളം വിമാനങ്ങളാണ് ഉപയോഗിച്ചത്.

ഇതോടൊപ്പം തന്നെ മേഖലയിലെ സുപ്രധാന മാറ്റങ്ങളുടെ ഭാഗമായി, പത്തു വർഷമായി തങ്ങളുടെ നിയന്ത്രണത്തിലായിരുന്ന 'അൽ-തൻഫ്' (Al-Tanf) സൈനിക താവളം അമേരിക്ക സിറിയൻ സർക്കാർ സൈന്യത്തിന് കൈമാറി. കൂടാതെ, തടവിലായിരുന്ന അയ്യായിരത്തോളം ഐഎസ് ഭീകരരെ വിചാരണ നടപടികൾക്കായി യുഎസ് സൈന്യം ഇറാഖിലേക്ക് മാറ്റിയിട്ടുമുണ്ട്.