തന്റെ നിലപാടുകൾ കൊണ്ടും ശബ്ദം കൊണ്ടും മലയാളികൾക്ക് സുപരിചിതയായ വ്യക്തിയാണ് ഭാഗ്യലക്ഷ്മി. ഡബ്ബിങ് ആർട്ടിസ്റ്റ് എന്നതിലുപരി മികച്ച കഥാപാത്രങ്ങളിലൂടെ ശ്രദ്ധേയയായ നടി കൂടിയാണവർ. 'ചാമരം', 'മാറ്റുവിൻ ചട്ടങ്ങളെ', 'സെല്ലുലോയിഡ്', 'പാവ', 'ഒരു മുത്തശ്ശി ഗദ' തുടങ്ങിയവ ഭാഗ്യലക്ഷ്മിയുടെ കരിയറിലെ പ്രധാന സിനിമകളാണ്. ഒരു ഓൺലൈൻ മാധ്യമത്തിന് നൽകിയ അഭിമുഖത്തിൽ, 'മാറ്റുവിൻ ചട്ടങ്ങളെ' എന്ന സിനിമയിൽ അഭിനയിച്ചപ്പോഴുണ്ടായ വേദനിപ്പിക്കുന്ന ഒരനുഭവം അവർ പങ്കുവെച്ചു.

കമൽഹാസൻ നായകനായ ആ ചിത്രത്തിൽ അദ്ദേഹത്തിന്റെ സഹോദരിയുടെ വേഷമായിരുന്നു ഭാഗ്യലക്ഷ്മിക്ക്. ചിത്രത്തിലെ ഒരു ബലാത്സംഗ രംഗം ചിത്രീകരിച്ച രീതിയെക്കുറിച്ചാണ് അവർ സംസാരിച്ചത്. പ്രതാപ് ചന്ദ്രനായിരുന്നു ആ രംഗത്തിൽ ഭാഗ്യലക്ഷ്മിക്കൊപ്പം അഭിനയിച്ചത്. അന്നത്തെ കാലത്ത് ഇത്തരം സീനുകൾ അങ്ങേയറ്റം റിയലിസ്റ്റിക് ആയാണ് ചിത്രീകരിച്ചിരുന്നത്. അഭിനയത്തിന്റെ ഭാഗമായി വസ്ത്രങ്ങൾ വലിച്ചുകീറുന്ന രീതിയിലുള്ള അതിക്രമമാണ് അന്ന് നേരിടേണ്ടി വന്നത്. കേവലം ഓടിപ്പോകുന്ന രീതിയിൽ ചിത്രീകരിക്കാമായിരുന്ന ആ രംഗം ഇത്രയും തീവ്രമായി ചെയ്യേണ്ടതില്ലായിരുന്നുവെന്ന് അവർ ഓർക്കുന്നു.

ഈ രംഗത്തിന്റെ ചിത്രീകരണം കണ്ട കമൽഹാസൻ ഇടപെടുകയും ഉടൻ തന്നെ ഓടിവരികയും ചെയ്തു. തുടർന്ന് സംവിധായകൻ രാജശേഖരൻ ആ സീൻ പൂർണ്ണമായും സിനിമയിൽ നിന്ന് ഒഴിവാക്കാൻ തീരുമാനിച്ചു. ആ സിനിമയും അതിലെ ആ രംഗവും തന്റെ ജീവിതത്തിൽ വലിയ വേദനയുണ്ടാക്കിയ ഒന്നാണെന്ന് ഭാഗ്യലക്ഷ്മി അഭിമുഖത്തിൽ തുറന്നുപറഞ്ഞു.