ശബരിമല സ്വർണ്ണക്കൊള്ള കേസിൽ സി.പി.ഐ.എമ്മിനെതിരെ രൂക്ഷവിമർശനം ഉന്നയിച്ച് കേന്ദ്രമന്ത്രി ജോർജ് കുര്യൻ. ഈ കേസിൽ "അയ്യപ്പൻ ആരെയും വിടില്ല" എന്നും കേസിൽ അറസ്റ്റിലായവരെല്ലാം നിരീശ്വരവാദികളും ആശയത്തിന്റെ അടിസ്ഥാനത്തിൽ പ്രവർത്തിക്കുന്നവരുമാണെന്ന് ജോർജ് കുര്യൻ ആരോപിച്ചു. അറസ്റ്റിലാകുന്നവർ ചിരിച്ചും സന്തോഷിച്ചുമാണ് പോകുന്നതെന്നും അത് "ആശയാടിസ്ഥാനത്തിലുള്ള ഡ്യൂട്ടി" ചെയ്തതിലുള്ള സന്തോഷമാണെന്നും അദ്ദേഹം പരിഹസിച്ചു. നിയമപരമായി കേന്ദ്ര ഏജൻസികൾക്ക് ഈ വിഷയത്തിൽ ഇടപെടാൻ കഴിയുമെന്നും അദ്ദേഹം ഇടപെഴുമെന്ന് വിശ്വസിക്കുന്നുവെന്നും കേന്ദ്രമന്ത്രി പറഞ്ഞു.

നിലവിലെ ദേവസ്വം ബോർഡ് പ്രസിഡന്റായി ജയകുമാറിനെ നിയമിച്ചത് സി.പി.ഐ.എമ്മിൻ്റെ ഒരു അടവ് നയമാണെന്ന് ജോർജ് കുര്യൻ അഭിപ്രായപ്പെട്ടു. ജയകുമാർ അയ്യപ്പവിശ്വാസിയായതുകൊണ്ടാണ് കഷ്ടിച്ച് രക്ഷപ്പെട്ടതെന്നും മന്ത്രി കൂട്ടിച്ചേർത്തു. നേരത്തെ നടന്ന അയ്യപ്പ സംഗമം ഒരു തട്ടിപ്പായിരുന്നുവെന്ന് ഇപ്പോൾ അയ്യപ്പന് മനസ്സിലായിട്ടുണ്ടെന്നും അദ്ദേഹം പറഞ്ഞു. സി.പി.ഐ.എമ്മിൽ ദാരിദ്ര്യം ഇല്ലാതിരിക്കാൻ വേണ്ടി സ്വർണ്ണം മോഷ്ടിക്കുകയാണെന്നും, സി.പി.ഐ.എം ഉടൻ തന്നെ "സമ്പൂർണ്ണ സമ്പന്ന പാർട്ടി" എന്ന പ്രഖ്യാപനം നടത്തുമെന്നും ജോർജ് കുര്യൻ പരിഹസിച്ചു.