കണ്ണൂർ: കണ്ണൂർ മാഹി ബൈപാസിൽ ടിപ്പർ ലോറിയിടിച്ച് സ്കൂട്ടർ യാത്രക്കാരിയായ യുവതി മരിച്ചു. ഇന്ന് വൈകുന്നേരമാണ് അപകടം നടന്നത്.
കണ്ണൂർ പള്ളൂർ സ്വദേശിനി രമിത (32) ആണ് മരിച്ചത്. പാലയാട് യൂണിവേഴ്സിറ്റി കാമ്പസിലെ ഗസ്റ്റ് ലക്ചററായിരുന്നു രമിത.

രമിത സ്കൂട്ടറിൽ യാത്ര ചെയ്യുന്നതിനിടെ ചെങ്കൽ കയറ്റിവന്ന ലോറി ഇടിച്ചാണ് അപകടമുണ്ടായത്. ഉടൻതന്നെ ആശുപത്രിയിൽ എത്തിച്ചെങ്കിലും രമിതയുടെ ജീവൻ രക്ഷിക്കാനായില്ല. രമിതയുടെ മൃതദേഹം മാഹി ഗവ. ആശുപത്രി മോർച്ചറിയിലേക്ക് മാറ്റി. തുടർ നടപടികൾ പൂർത്തിയാക്കിയ ശേഷം മൃതദേഹം ബന്ധുക്കൾക്ക് വിട്ടുനൽകും.