തൃശൂർ: വനിതാ പ്രവർത്തകയെ ലൈംഗികമായി പീഡിപ്പിച്ചതിന് തൃശൂരിൽ കോൺഗ്രസ് നേതാവിനെതിരെ പോലീസ് കേസെടുത്തു. കോൺഗ്രസ് പുതുക്കാട് ബ്ലോക്ക് ജനറൽ സെക്രട്ടറി സി.എച്ച്. സാദത്തിനെതിരെയാണ് പോലീസ് കേസെടുത്തത്.കടം വാങ്ങിയ പണം തിരികെ നൽകാൻ പോയപ്പോൾ സാദത്ത് ലൈംഗികാതിക്രമം നടത്തിയെന്നാണ് വനിതാ പ്രവർത്തക തൃശൂർ റൂറൽ എസ്.പിക്ക് നൽകിയ പരാതിയിൽ പറയുന്നത്.
കൈയിൽ കയറിപ്പിടിക്കുകയും സീറ്റ്ഔട്ടിൽ നിന്ന് വിസിറ്റിംഗ് ഹാളിലേക്ക് വലിച്ചിടുകയുമായിരുന്നുവെന്നും പരാതിക്കാരി പറയുന്നു. നിലവിൽ സാദത്ത് ഒളിവിലാണെന്നും, കേസെടുത്തതോടെയാണ് ഇയാൾ ഒളിവിൽ പോയതെന്നും പോലീസ് അറിയിച്ചു. അതേസമയം, സാദത്തിനെ കോൺഗ്രസ് പാർട്ടി നേതൃത്വത്തിൽ നിന്നും പുറത്താക്കിയതായി പാർട്ടി വ്യക്തമാക്കി.