മലപ്പുറം: പുത്തനത്താണിയില്‍ കാര്‍ ബൈക്കില്‍ ഇടിച്ച് ദമ്പതികള്‍ക്ക് ദാരുണാന്ത്യം. ഇന്ന് രാവിലെയാണ് വാഹനാപകടം ഉണ്ടായത്. മുഹമ്മദ് സിദ്ദീഖ്, ഭാര്യ റീസ എം. മന്‍സൂര്‍ എന്നിവരാണ് മരിച്ചത്. പുത്തനത്താണിക്കടുത്ത് ചന്ദനക്കാവ് ഇക്ബാല്‍ നഗറിലാണ് അപകടം ഉണ്ടായത്. കഴിഞ്ഞ ജനുവരിയിലായിരുന്നു സിദ്ദീഖിന്റെയും റിസയുടേയും വിവാഹം കഴിഞ്ഞത്. രാവിലെ ജോലിക്ക് പോകുമ്പോഴാണ് സംഭവം.
അതേസമയം, തിരുവനന്തപുരം ബാലരാമപുരത്ത് സ്‌കൂള്‍ ബസ് അപകടതില്‍പെട്ടു. ബസിന് പിന്നില്‍ മിനിലോറി ഇടിക്കുകയായിരുന്നു. ബസില്‍ ഉണ്ടായിരുന്ന വിദ്യാര്‍ഥികള്‍ക്ക് പരുക്കു പറ്റിയിട്ടുണ്ട്. പരുക്ക് ഗുരുതരമല്ലെന്നാണ് സൂചന. നെല്ലിമൂട് സ്റ്റെല്ലമേരി എല്‍പി സ്‌കൂളിലെ ബസാണ് അപകടത്തില്‍പ്പെട്ടത്. തമിഴ്‌നാട്ടിലേക്ക് പോയ മിനി ലോറിയാണ് സ്‌കൂള്‍ വാഹനത്തിന് പിന്നിലിടിച്ചതെന്നാണ് റിപ്പോർട്ട്.