തൃശൂർ: തൃശ്ശൂരിൽ കൊലക്കേസ് പ്രതിക്ക് നേരെ അതിക്രൂര ആക്രമണം. ആലപ്പുഴ തുറവൂര്‍ സ്വദേശിയായ സുദര്‍ശനാണ് അതിക്രമം നേരിട്ടത്. അതിര്‍ത്തി തര്‍ക്കത്തെ തുടര്‍ന്ന് ചേര്‍ത്തലയില്‍ മുനീര്‍ എന്നയാളെ കൊന്ന കേസിലെ പ്രതിയാണ് ഇയാൾ. അക്രമികള്‍ സുദർശന്റെ ജനനേന്ദ്രിയം മുറിച്ചതായും കണ്ണിന്റെ കാഴ്ച നഷ്ടപ്പെടുത്തിയതായും പരിശോധനയില്‍ കണ്ടെത്തി. മുനീറിന്റെ കൊലപാതകവുമായി ബന്ധപ്പെട്ട പകപോക്കലാകാം ആക്രമണത്തിനു പിന്നിലെന്നാണ് സൂചന.
ഗുരുതരമായി പരുക്കേറ്റ നിലയില്‍ കഴിഞ്ഞ ദിവസമാണ് ഇയാളെ കൊടുങ്ങല്ലൂരില്‍ നിന്നും കണ്ടെത്തിയത്. നഗ്നനായി വഴിയോരത്ത് അബോധാവസ്ഥയില്‍ കിടക്കുകയായിരുന്നു സുദര്‍ശനന്‍. ഇയാളുടെ ശരീരത്തിൽ ആക്രമികൾ കത്തി കൊണ്ട് വെട്ടിയിട്ടുണ്ട്. കണ്ണിന്റെ കാഴ്ച്ച ശക്തി നഷ്ടമായി. ജനനേന്ദ്രിയത്തിനും ഗുരുതരമായ പരിക്കുണ്ട്.