വെർജീനിയ: യുഎസ് ഇമിഗ്രേഷൻ ആൻഡ് കസ്റ്റംസ് എൻഫോഴ്സ്മെൻ്റ് (ഐസിഇ) ഉദ്യോഗസ്ഥരിൽ നിന്ന് രക്ഷപ്പെടാൻ ശ്രമിക്കുന്നതിനിടെ വാഹനം തട്ടി യുവാവിന് ദാരുണാന്ത്യം. വെർജീനിയയിലെ ഐ-264 ഹൈവേയിൽ വെച്ച് വാഹനം തട്ടി ജോസ് കാസ്ട്രോ-റിവേര എന്ന യുവാവാണ് മരിച്ചത്.

വെർജീനിയ സ്റ്റേറ്റ് പോലീസിൻ്റെ പ്രാഥമിക അന്വേഷണ റിപ്പോർട്ട് അനുസരിച്ച്, ഇമിഗ്രേഷൻ നിയമനടപടികളുടെ ഭാഗമായി ഐസിഇ ഉദ്യോഗസ്ഥർ വാഹനം തടഞ്ഞപ്പോൾ, കാസ്ട്രോ-റിവേര വാഹനത്തിൽ നിന്ന് ഇറങ്ങി ഓടാൻ ശ്രമിക്കുകയായിരുന്നു. തിരക്കേറിയ ഹൈവേ മുറിച്ചു കടക്കുന്നതിനിടെ 2002 മോഡൽ ഫോർഡ് പിക്കപ്പ് ട്രക്ക് ഇദ്ദേഹത്തെ ഇടിക്കുകയായിരുന്നു. നോർഫോക്കിലാണ് ഈ ദാരുണ സംഭവം നടന്നത്.