കോട്ടയം: കാഞ്ഞിരപ്പള്ളി കപ്പാട് മാനോലിയിൽ അച്ഛനെയും മകനെയും വീടിനുള്ളിൽ തൂങ്ങിമരിച്ച നിലയിൽ കണ്ടെത്തി. മാക്കൽ തങ്കച്ചൻ (63), മകൻ അഖിൽ (29) എന്നിവരെയാണ് വീടിന്റെ രണ്ട് മുറികളിലായി മരിച്ച നിലയിൽ കണ്ടത്. ഇരുവരും മാത്രമാണ് ഈ വീട്ടിൽ താമസിച്ചിരുന്നത്. ശനിയാഴ്ച ഉച്ചയോടെ അയൽവാസികളാണ് ആദ്യം സംഭവം അറിഞ്ഞത്. പൊൻകുന്നം പോലീസ് സ്ഥലത്തെത്തി പരിശോധന നടത്തി. സംഭവത്തിൽ മറ്റ് ദുരൂഹതകളില്ലെന്നാണ് പ്രാഥമിക നിഗമനമെന്ന് പോലീസ് അറിയിച്ചു.