കൊല്ലം: കൊല്ലത്ത് വിനോദസഞ്ചാര കേന്ദ്രമായ കൊല്ലം മുട്ടറ മരുതിമലയില്‍ നിന്നു വീണ രണ്ടു പെൺകുട്ടികളിൽ ഒരാൾ മരിച്ചു. അടൂര്‍ പെരിങ്ങനാട് സ്വദേശിനിയായ മീനുവാണു മരിച്ചത്. ഒമ്പതാം ക്ലാസ് വിദ്യാർഥിനിയായിരുന്നു. മരിച്ച പെൺകുട്ടിക്കൊപ്പം വീണ പെൺകുട്ടി കൊല്ലത്തെ സ്വകാര്യ മെഡിക്കല്‍ കോളജ് ആശുപത്രിയില്‍ ഗുരുതരാവസ്ഥയിൽ ചികിത്സയിൽ തുടരുകയാണ്.

വെള്ളിയാഴ്ച വൈകീട്ട് 6.30 മണിയോടെയാണ് സംഭവം. ഒരേ ക്ലാസിൽ പഠിക്കുന്നവരാണ് രണ്ടു പെൺകുട്ടികളും. മരുതിമലയിലെ അപകടകരമായ മേഖലയിലേക്ക് കുട്ടികൾ പോകുന്നത് ആളുകൾ കണ്ടിരുന്നു. പിന്നീട് താഴേക്കു വീണ നിലയിൽ കണ്ടെത്തുകയായിരുന്നു. സംഭവത്തില്‍ പൂയപ്പള്ളി പൊലീസ് അന്വേഷണം ആരംഭിച്ചു.